إيناس عزالدين تعلن انفصالها عن زوجها عبر مواقع التواصل الاجتماعي

كتبت - إيمان محمد:

أعلنت المطربة إيناس عزالدين، نجمة "أرب آيدول"، خبر انفصالها عن زوجها أحمد قمر، وذلك عبر حسابها الرسمي علي موقع التواصل الاجتماعي الشهير "فيسبوك".

وكتبت عزالدين في تدوينة عبر صفحتها قائلة "بعلن انفصالي عن زوجي أحمد قمر بكل حب و ود واحترام وتقدير ممكن نكون اختلفنا كأزواج إننا نكمل مع بعض أو النصيب وقف لحد كده بس هيفضل صديق عمري كله، بتمنالك كل خير وكل سعادة ونجاح يا أحمد يا أنضف إنسان عرفته في حياتي كله قسمة ونصيب".

وتابعت "معلومة دي مش كدبة إبريل ولا ده خبر هزار، هو ليه الناس مش متقبلة فكرة إننا انفصلنا وإحنا بنحترم بعض وبنحب بعض وشايلين لبعض الخير والتقدير وإننا اختلفنا، كزوجين وأكيد القرار ده ما أخدناهوش وليد اللحظة وقبل ما نعلنه اتناقشنا كتير وقررنا ننفصل بالمعروف وإحنا

شايلين وفاكرين لبعض كل حاجة حلوة".

واستكملت "مش لازم نذم في بعض ونغلط في بعض وكل واحد فينا يقول التاني كان مطلع عينه علشان الناس تتقبل فكرة انفصالنا، إحنا اختلفنا وصعب نكمل كزوجين بس مستحيل نبطل إننا نفضل في حياة بعض كأصدقاء لأننا طول عمرنا كنا أصدقاء حتى وإحنا متجوزين والعشرة مش بتهون بالساهل ومش معنى إننا اختلفنا وانفصلنا كأزواج إننا نكره بعض ونغلط في بعض وما نشوفش بعض ونعادي بعض، إحنا هنفضل أهل غصب عن أي شيء وبنكن لبعض كل حب واحترام وتقدير".