أكله جديدة.. أرز بالكاري مع الفراخ المشوية بصوص الباربكيو
يبحثن الآن عن معظم الأمهات عن أصناف بسيطة بمذاق جديد يمكن تحضيرها دون الحاجة إلى وقت طويل وجهد شاق عليهن، وتحاول الأمهات أن يجددن فى الأصناف ويبتعدن عن الأطباق التقليدية مثل المكرونة بالبشاميل والمحشى وغيرها من الأطباق التى لم تفارق معظم المنازل المصرية ، سوف نقدم لكِ طريقة مختلفة للارز مع الفراخ وهي الأرز بالكارى والزبيب مع الفراخ المشويه بصوص الباربكيو والصويا صوص والكاري.
اولا طريقة الأرز بالكارى:
المقادير :
نصف كيلو أرز بسمتى
ربع ملعقة بودره زعفران
ملعقه صغيرة كارى
زبده على زيت
٤ أكواب شوربة
مكعبين مرقة دجاج
بصله مفرومه
حبه فلفل أخضر مكعبات
بشر حبه طماطم
عود قرفه خشب ( حسب الرغبة )
ورقه لورا
نصف كوب زبيب
الطريقة :
اغسلى الأرز وانقعيه لمده ١٥ دقيقه فى ماء دافئ.
فى حله سخنى الزبده والزيت وانزلى بالبصل وقلبى حتى يدبل ويصفر قليل وانزلى بمكعبات المرقة وقلبى ثم ضعى بودره الزعفران والكارى وقلبيهم جيدًا ثم ضعى مكعبات الفلفل وبشر الطماطم والشوربه وتترك تغلى غلوتين ارفعيها وصفيها وصفى الارز وانزلى بالرز عالشوربة مع الملح والقرفه وورق اللورا
ويترك الأرز حتى يغلى ويتشرب ويوضع على وجهه الزبيب ويترك على نار هادئة يكمل نضجه وممكن تقديمه مع كبد الفراخ ولوز على الوش.
ثانيا طريقة الفراخ المشوية بصوص الباربكيو :
المقادير :
فرخه مقطعه ٤ قطع أو ٨ قطع أو دبابيس فراخ أو أجنحة ( المتاح لديكى )
٣ ملاعق ك صويا صوص
علبه زبادي او ربع لتر لبن أو لبن رايب
ربع كوب زيت
معلقتين صلصه طماطم أو كاتشب
ملعقتين باربكيو
ملعقه كبيره لكل من توم وبصل بودر
ملعقة كبيره كاري
ملعقة صغيرة بهارات
ملعقتين ك بابريكا
ملعقتا عسل ابيض
خل
عصير ليمونه
ملح وفلفل أسود
الطريقه :
تخلط كل المكونات بالمضرب اليدوي وتتبل الفراخ بالمكونات السابقه من الخارج والداخل وتحت الجلد وتغز بالسكينه لامتصاص التتبيله جيدا
تترك في التلاجة يوم كامل أو ٣ ساعات على الأقل
وتقلب كل فتره في التتبيله ثم توضع في ورق الفويل وتقفل بشكل كامل وتدخل الفرن من ساعه لساعه ونص وممكن نزود بعضا من الصوص اليها في نصف مده التسويه، أو تشوى على الفحم أو توضع فى كيس حراري.