صلاح محسن: الإصابة منعتني من التواجد مع منتخب مصر في كأس العالم
تحدث صلاح محسن نجم المصري البورسعيدي، عن تتويج فريقه ببطولة كأس عاصمة مصر على حساب فريق إنبي بالأمس
وقال صلاح محسن في تصريحات مع سهام صالح لبرنامج الكلاسيكو: خدت بطولات كتيره مع الأهلي ونفس البطولة مع سيراميكا ، بس دي ليها طعم تاني بعد ماشوفت جماهير بورسعيد صاحيين لحد الصبح فرحانين بالبطولة فابجد انا مبسوط بالبطولة دي
واضاف: خدت بطولات مع الأهلي ومينفعش سنه تعدي من غير مايخدوا ٣ بطولات ، لكن بطولة كأس العاصمة خلت شعب بورسعيد يفرح من تاني بعد غياب اكتر من ٢٨ سنه
وتابع: نبيل الكوكي من افضل المدربين اللي اتعاملت معاهم فنيا وشخصيا.. في ظروف حصلت ودي ظروف عاديه بتحصل
وواصل: إصابتي الأخيرة أمام الزمالك هي السبب فيعدم انضمامي في كأس العالم للمنتخب، لو المصري يخوض مبارياته في بورسعيد هناخد كل البطولات.
ويرى صلاح محسن نجم النادي المصري البورسعيدي، انه تعرض للظلم برحيلهم عن صفوف النادي الاهلي ولم يحصل على فرصته كاملة
وقال: انا مخدتش فرصتي في الأهلي وملعبتش ٣ ماتشات على بعضهم ، ومفيش لاعيب في النادي الأهلي طلع اعارتين تلاته ويرجع انا روحت ورجعت
واضاف: انا في الأهلي اللعب ماتش وقعد سنه ملعب.. طبيعي مكنش في كامل فورته ، وانا طبعي في حالي ومش بتكلم هي دي شخصيتي
وتابع: لاعبي كبار في الأهلي بيقولوا انت لازم ترجع لأن مفيش مهاجمين ،انا نضجت بشكل كبير دلوقتي مختلف تماما عن ماكنت فيه
وواصل: أنا اكتر لاعب في التاريخ تعرض للظلم ولكن أنا دلوقتي أصبحت ناضج عن زمان