بدرية طلبة: لازم أعيش في الوسط الفني بوشين علشان أشتغل
قالت الفنانة بدرية طلبة إنها على علاقة جيدة مع الوسط الفني، وليس لديها عداء مع أحد، وذلك خلال استضافتها عن طريق مكالمة هاتفية في أحد البرامج الشهيرة.
وردا على سؤال الإعلامية نهال طايل لها ببرنامج "تفاصيل" في مداخلة عبر قناة صدى البلد 2، عن إمكانية تعاونها مع النجمة ريهام حجاج، قالت بدرية طلبة: "أنا مفيش عداء بيني وبين حد، الناس كلها حبايبي وصحابي. أنا دخلت نفسي في حتة مكانش ينفع أقول رأيي في زمايلي. كان لازم أمتنع عن إني أقول رأيي أو أبقى بوشين من الآخر .. أنا لازم أعيش في الوسط الفني بوشين عشان أعرف أعيش وأشتغل".
وأضافت بدرية طلبة: "أنا بحب فلانة وبدافع عنها ده موجود، بس ما ينفعش إن مذيع يسألني في زميلة وأقول رأيي بقلة أدب أخسرها ليه أنا مفيش بيني وبينها إلا كل خير".
بدرية طلبة: ياسمين عبد العزيز ضحكت على اتهامي بعمل سحر أسود لها
وصفت الفنانة بدرية طلبة اتهامها بعمل سحر أسود للنجمة ياسمين عبد العزيز بمحاولة لتشويه علاقتهما، بواسطة سيدة مقيمة بالكويت.
وقالت بدرية طلبة في مداخلة مع برنامج "تفاصيل"، الذي تقدمه الإعلامية نهال طايل عبر قناة صدى البلد 2: "كان في ناس عايزين يشوهوا القوى الناعمة والفنانات، واصطادوني أنا ووفاء عامر عشان قريبين من الناس وكنا على أبليكيشن مينفعش نكون عليها، ودخلوا يخربوا علاقتنا بالناس اللي بتحبنا، ومن ضمن التشويه إني بعمل سحر أسود لياسمين عبد العزيز، وهي طبعا بتضحك ومصدقتش".
وأضافت بدرية طلبة: "الست دي عايشة في الكويت، وأنا سافرت الكويت ورفعت قضية هناك، وأنا وراها لحد ما آخد حقي".
ونفت بدرية طلبة وجود أي خلاف بينها وبين ياسمين عبد العزيز كونها لم تشارك معها في مسلسل وننسى اللي كان الذي عرض في رمضان 2026، موجهة رسالة لها بقول: «هتفضلي أختي وصاحبتي وحبيبتي وبنتي».
