"شُفِيت بنظام الطيبات".. فنانة مشهورة تدافع عن ضياء العوضي وتكشف سر شفائها
كشفت الفنانة ألفت عمر عن تجربتها الشخصية مع الدكتور ضياء العوضي، بعد اتباعها نظام الطيبات، وذلك خلال منشور عبر حسابها الشخصي بموقع التواصل الإجتماعي الأشهر “فيسبوك”.
تجربة ألفت عمر مع الدكتور ضياء العوضي ونظام الطيبات
قالت ألفت عمر: "احقاقا للحق وليس دفاعاً عن اى نظام عالأرض مع العلم إنه كان فى اللايف فى الفتره الاخيره بيقول كلام استفزاز للناس ويخبط ويشتم عشان يثير الجدل اكتر ويساعد على انتشار فكرته اكتر واكتر وكمان الايجو اعتقد دخل فى الموضوع وبقا بيقولو كلام اوفر اوى تريقه منها تاكل ربع كيلو سكر والهبل ده متابعينه فاهمين ده كويس أنا مش بدافع أنا بوضح ومكنتش حابه أسلوبه فى الأواخر
عموما هقولكم تجربتى الشخصية".
وتابعت: “أنا من عشرين سنه بعمل كل أنظمة الدايت كل حاجه جديده بتبعها فتره عشان اشوف صحتى فين لحد الكيتو اللي صدمنا اول ما طلع و كسر مفهومنا عن التخسيس عكس كل حاجه عرفناها كل دهون وانت تخس عكس كل مفهوم للتخسيس والصحه معا”.
وأردفت: “لحد ما تابعت عوضي الله يرحمه وصدمني بأفكاره أنا مبطله سكر بقالى سنه ازاى يقول كده وخضار ايه اللى هبطله أنا عايشه على الخضار عشان صحتى وكمان أحافظ على وزنى إليكم التجربة الحقيقية من غير ما ادعو حد لاتباعها أنا بس بقول الحق وهو فى دار الحق”.
وأضافت: "أنا ماشيه على نظامه من سنتين قبله كنت اشعر بالالام مزمنه وانا عندى عشرين سنه
-قولون عصبي
-بطن سفليه مع العلم انى لا أفارق الجيم من 80 سنوات
-جيوب انفيه من 20 سنة
-عرق النسا الالام الركبه لدرجه الحقن
-تورم فى وجهى وعينى منتفخه دائما
-الالام المعده و دواء مزمن
-لخبطة هرمونات لدرجه قالوا اعراض غده درقية -الالام بالكعب ليس لها سبب واضح
-حرارة بالقدمين فقط
-نوم غير مستقر تماما لازم ادويه وماغنسيوم
-هالات سودا سقوط شعر تكسير أظافر شحوب بالبشرة
-حبوب بالوجه منذ 20 سنة لا تتوقف
-جفاف بالعين
-التهاب فى القولون وإمساك مزمن".
واختتمت ألفت عمر: “كل ده انتهى مع عدم رائحه فى العرق او فى عملية الاخراج تماما من اول اسبوعين فى الطيبات وبيرجع بعض الاعراض لما بلخبط فى الاكل بس بصوم يوم ارجع احسن من الاول مع العلم انى بتعامل مع السكريات بالعقل مش باكل غير متوسط بس الاول كنت مانعه السكريات نهائيا”.