رانيا ياسين تهاجم مروجي الأكاذيب: ناس بتعمل ريتش على سمعة الفنانين

هاجمت الفنانة رانيا محمود ياسين، مروجي الأكاذيب عبر صفحات السوشيال ميديا، والتي يتم إطلاقها على الفنانين، من أجل تحقيق مكاسب مالية.

وكتبت رانيا محمود ياسين، عبر حسابها الرسمي على موقع التواصل الاجتماعي فيس بوك، قائلة: نفسي تسكتوا شوية ودع الخلق للخالق نفسي تفهموا من ٩٩% من الي بيتصدر على السوشيال ميديا، حلو أوي وحش غلط أو مستفز أوعايزك تشتم الشخصيات العامة، علشان تكره عشيتك وتشوفهم دايًما ناس ما يعرفوش ربنا أو نرجسين أو متربوش أو مغرورين وده مقصود وعن عمد علشان الفنانين مثلا بعد ما كانوا قوي ناعمة ومؤثرين يبقوا الناس المفضوحين محدش منهم يبقي قدوه ولا رمز ولا قيمة مؤثرة زي زمان.

 رانيا ياسين :  ليه زمان الفنان كان قدوة

وأضافت رانيا ياسين، قائلة: محدش سأل نفسه ليه زمان الفنان كان قدوة ومؤثر لأن مكنش في أداة مدمرة اسمها السوشيال ميديا وكان في حاجة كيوت أوي بالنسبة دلوقتي اسمها الصحافة الصفرا بس عمرها ماكانت مؤثرة بلونة وبتفرقع وتخلص لكن الهري دلوقتي لازم يدخل في أسبوع كأحد أقصي نفسي تبطلوا تصدروا أحكام من السوشيال الميديا لأن والله أداة كاذبة بكل بصفحاتها ومنشتتها المستفزة فيديوهتها الي بتتقال بأصوات ناس مجهولة عايزة تعمل ريتش وفلوس على حس سمعة الفنانين ومعظم النقل كاذب فيما عدا لايف وبعض الصحفيين المتخصصين الي بيحاولوا يقولوا الحقيقة.

رانيا ياسين تستشهد بالسقا ومها بسبب مروجي الشائعات

وتابعت رانيا محمود ياسين، قائلة: في وسط كم الزيف الي بيتصدر على سبيل مثال السقا ومها الناس مش رحماهم ، سيبهم في حالهم ارحموا أولادهم كلنا عندنا بيوت ومشاكل وأولاد بنخاف على شكلنا وشكلهم بطلوا تصدروا أحكام ادعوا ربنا يهدي الامور يصلح الأحوال بدل الهجوم طول الوقت عليهم وعلي غيرهم وذكري لسقا ومها لأن ده موضوع الساعة، وربنا يهدي يارب ويرحمنا من هذه الأداة التي تدمر القيم والرموز.

 رانيا ياسين: السوشيال ميديا بتحاصر حياتنا 

واختتمت رانيا ياسين، حديثها عن السوشيال ميديا، قائلة: محدش يقولي وإحنا مالنا أنتم الي بتصدروا حياتكم هرد وأقولك لأ السوشيال ميديا بتحاصر حياتنا وبنتصور طول الوقت حتي من غير ما نعرف وبتزيف معظم الحقايق وبتديها أكبر من حقيقتها ده غير اللجان المدفوعة وكفاية كده.