قانون حظر الإنترفيو يثلج صدور أولياء الأمور

"الانترفيو" مثالًا للعنصرية التي واجهها الكثير من الآباء عند التقديم في المدارس الخاصة أو الدولية لأبنائهم، وسببت للعديد منهم التوتر والقلق والإحباط في حالة رفض التلميذ، فكانت عملية الكشف عن الأسرة والطفل أهم بالنسبة لإدارة المدرسة عن مستقبل التلميذ، لدرجة أنه مع بداية كل عام كان يبحث الآباء عبر الجروبات عن إجابات لأسئلة الانترفيو، وكأنه اختبار مصيري ورحلة شاقة يخوضونها ويتمنون مرورها بسلام، إلى أن نوقش مشروع قانون حظر الانترفيو ومعاقبة المخالفين بالحبس مدة تصل إلى 5 سنوات، والغرامة التي تصل إلى 2 مليون جنيه.

 

اقرأ أيضا.. التعليم العالي تعلن الحد الأدنى للشعبتين العلمية والأدبية لطلاب الثانوية

وتفاعل عددًا من أولياء الأمور عبر فيسبوك، على صدور القانون، مُرحبين بسن قانون لإنهاء بروتوكول عنصري، وقال حساب باسم ريهام: "ياريت بقي بجد الواحد يخلص من التحكمات اللي بجد مالهاش اي معني و المهازل اللي بتحصل"، وأضافت آية : " والله يبقى احلى خبر سمعته كفاية بهدلة في الاهالي اللي بيحصل ده مهزلة مش موجودة في اي مكان في العالم".

 

وعلق حساب آخر قائلًا: " فعلا والله بجد حتى الطفل اللى لسه بيقول يهادى ولا فاهم شىء يعملوله انترفيو لا راحمين كبير ولا صغير"، وأشادت إيمان باقرار قائلة : " ياريت احنا اتأذينا نفسيا والله وياريت بفايده".

 

وعلق حساب باسم جوجا : " ياريت بجد دي مهزلة وكانت اكتر سنة بجد فيها توتر وقلق وفي الآخر منتقبلش علشان ايام، علشان سنه اصغر بكام يوم ده حرام وظلم ياريت بجد الموضوع يبقا جد ويخده خطوة للمهزلة ال بتحصل دي".

 

وقال حساب باسم منى جان : " والله فى حاجات كتير المفروض تتناقش الانترفيو والمدارس الي عايزين الطفل عبقري، عارف كل حاجه هما ياخدوا مصاريف قد كده وخلاص، كمان فى أطفال بتتكسف ومبتتكلمش قدام حد غريب المصاريف الي بتزيد زياده رهيبه، الي عنده طفلين وتلاته بيلطلم، مالا بقى الي عنده اكتر غير مصاريف الدروس معاناه مابعدها معاناه، كمان سن الطفل الاهل بدوخ وبتتذل بمعنى الكلمه علشان سن الطفل، المناهج الى فوق مستوى الطالب وكم كبير، وقدرات الأطفال بتختلف الطفل الي قدراته ضعيفه بيدوخ هو وأهله فى سنه رابعه اصل بقت ثانويه عامه ولنا الله".