(فيديو) محمود العسيلي يقترب من الـ 2 ونصف مليون مشاهدة بأغنية (حب غلط)
أقتربت أحدث أغنيات المطرب محمود العسيلي بعنوان "حب غلط" من حاجز الـ 2 ونصف مليون مشاهدة، وذلك عبر قناته الرسمية على موقع الفيديوهات العالمي "يوتيوب".
يشار إلى أن "حب غلط"، كلمات أمير طعيمة، ألحان محمود العسيلي، توزيع علي فتح الله، ميكس & ماستر علي فتح الله، إخراج ابراهيم حدرج.
اقرأ أيضًا.. (كلمات) أغنية "حب غلط" لـ محمود العسيلي
وتقول كلمات الأغنية :-
ابعديني حاولي تفهميني
الف مرة حاولت امشي بس قلبي رجع
ساعديني من قلبك شيليني
اصلي عارف ان السكة دي اخرها وجع
بتشوفيني ليكي بتسحبيني
وضعي صعب ومرضي بيكي مش أي مرض
والحقيقة من أول دقيقة
انا عارف وانتي عارفه انه حب غلط
وكفايانا بقى لُقا هيتعبنا
إحنا الاتنين مش هنكمل ده نصيبنا
مفيهاش بعدين الوقت مهوش في صالحنا
ماشيين ماشيين يبقى نواجه بقى روحنا
انا بس عايزك تبقي عارفه انك انتي ليا
اقربلي مني انتي عايشة في كل حتة فيا
مش هنسى لما كنا بنهرب من حياتنا دي
لما كنتي تدفي في حضني
مش هنسى ايام الشتا ولا فيروز والاغاني
ضحكة من قلبي طالعه وعارف مش هضحكها تاني
كان حلم بنبني فيه سنين وهيتهد في ثواني
ما انا كنت عارف وانتي عارفه انه حب غلط
وكفايانا بقى لُقا هيتعبنا
احنا الاتنين مش هنكمل ده نصيبنا
مفيهاش بعدين الوقت مهوش في صالحنا
ماشيين ماشيين يبقى نواجه بقى روحنا
مش هنسى صوتك اللي كان الصبح بيصحيني
احساسي بيكي في كل لحظة كنتي بتلمسيني
مش عارف اقولك قد ايه انتي هتوحشيني
بس انا عارف وانتي عارفه انه حب غلط
وكفايانا بقى لُقا هيتعبنا
احنا الاتنين مش هنكمل ده نصيبنا
مفيهاش بعدين الوقت مهوش في صالحنا
ماشيين ماشيين يبقى نواجه بقى روحنا