سياسة فى اللذاذة
سياسة فى اللذاذة
وكل شىء جميل
ومصطلحات فى إزازة
وشعارات لكل جيل
سياسة يعنى مواطنة
وكلام مليان دلع
وشباب فكره أونطَّة
أو اعلان سلع
سياسه وديمقراطية
وأحلام عمالة تطير
وناس بتاكل ملوخية
وبتصبح على خير
سياسة وانتخابات
وورق محطوط على الحيط
ومرشح أول ماينجح
ينسى ويعمل عبيط
سياسة يعنى وطنى
بيهمش أحزاب
نفسها تبقا حاجة
بليبرالية الانتخاب
ومصرى فقير غلبان
نفسه ياكل كباب
سياسة يعنى سلطة
وحاكم فى إيده حكم
والعملية سلطة
والناس بتدعى ع الظلم
سياسة فى اللذاذة
وناس متكيفة
ونظام واخد أجازة
وخطة متسيفة
فما أروع السياسة خصوصاً لما تبقى بالأرانب