الظاهر انك توافقي

< إلي="" منصور="" حسن="" المرشح="" المحتمل="" جداً="" لرئاسة="">
علي رأي ولاد الحلال
الظاهر انك توافقي
مع اليمين

ومع الشمال وعلي كل حال
حندعي لك بصلاح الحال
والصبر والاحتمال.. !! وراحة البال..!!

< إلي="" أنور="" البلكيمي="" اللي="" كان="" نائب="">
علي رأي المثل
ناس تراضي ضميرها
وناس تواصل خط سيرها
وناس بتكعبل
في مناخيرها..!!

< إلي="" النادي="" المصري="">
حظك وبختك وقسمتك
جمهورك هوّه اللي شوّه
سمعتك..
وهوه السبب في أزمتك..!!

< إلي="" محمد="" إبراهيم="" سليمان="" اللي="" كان="" وزير="">
علي رأي الشمتانين فيك
ياللي مرحمتش وزارتك
لما كانت الوزارة بين إيديك
دارت الأيام عليك «مع الاعتذار لأم كلثوم»..!!

< إلي="" الشعب="" المصري="">
مظلوم.. ومتهوم.. ومحروم
حتلاقيها من انفلونزا الفراخ
واللا من حمي اللحوم..!!

< إلي="" مدير="" عام="" شركة="" فودافون="" «للتليفون="">
في الكول تون
منتهي الاهمال
والاستغلال
واخدين فلوسنا
يا ولاد الحلال..!! آلوه يا حكومة السنترال..!!

< إلي="" الشاعر="" الكبير="" مرسي="" جميل="" عزيز="" في="">
لازلت في القلوب
جميل وعزيز
وصاحب جامعة الشعر الغنائى
الهايل واللذيذ..!!

< إلي="" الدكتور="" عبد="" القوي="" خليفة="" محافظ="">
نصيحة أخوية
خللي بالك من الأيام
اللي جاية
مترو العباسية
بيطلع ميه معدنية
امسك الشركة الفرنسية
والحرامية..!!

< إلي="" الدكتور="" سعد="" الكتاتني="" رئيس="" مجلس="">
زي ما كان بيحصل
لفتحي سرور
حوالين فيلتك
في ستة اكتوبر
زرعوا الشوارع عواميد نور
ورصفوا الشوارع داير ما يدور «مبروك يا دكتور»..!!

< إلي="" الاعلامي="" الكبير="" عماد="" الدين="">
يا عمدة مفيش منك
في الزمان ده
اقولك باختصار
افتح جامعة اعلامية
لتعليم أصول الحوار..!!

< إلي="" الملحن="" محمد="">
أقولك واللا بلاش
بيت النتاش
مايعلاش
بالذات من الاغاني اللي بعتها
ولحنتها والاغاني اللي ملحنتهاش..!!

< إلي="" علاء="" الكعكي="" مدير="" شركة="" ميديا="">
بيقولوا في المثل
اللي يخبط لنا في الحلل
نكسر وراه مركب قلل
هاتها البر
وبلاش خلل..!!

< إلي="" الدكتور="" شاكر="" عبد="" الحميد="" وزير="">
فضيحة في انحاء البلاد
لوُح وروسومات
الفنان بيكار يا ولاد
رفضت تشتريها الوزارة
واشتراها تاجر انتيكات
بتراب الفلوس من مزاد..!!

< إلي="" الدكتور="" الفدائي="" كمال="" الجنزوري="" رئيس="" وزراء="">
الشعب بيقولك
اوعي تسيب البلد ولا ثانية
اللي عايزينك تسبها
آخر شهر يوليه
الظاهر عايزين يفضوها
ويشوفوا للشعب بلد تانية..!!

* لبخيت بن بيومي صاحب المساحة