رئيس حزب الوفد

بهاء الدين أبو شقة

رئيس مجلس الإدارة

د.هانى سري الدين

رئيس التحرير

وجدي زين الدين

بتصميم هندسي.. شهداء كمين البرث في عيون المصريين

أخبار وتقارير

الثلاثاء, 30 يونيو 2020 22:18
بتصميم هندسي.. شهداء كمين البرث في عيون المصريين
كتب - محمد مراد:

حب وانتماء الوطن لا يفرق بين مهندس كان أو طبيب أو ضابط، فالكل يتحد تحت راية الوطن ويصبحون على قلب رجلا واحد من أجل مصر، فتخليد ذكرى أبطالنا الشهداء من القوات المسلحة والشرطة سيظل محفورا في الأذهان، وكل شخص يعبر عن حبه كيفما شاء.

 
على الرغم من انتهاء مسلسل "الاختيار" الذى كان يعرض فى شهر رمضان الماضى إلا أن شخصية البطل المصري الراحل العقيد حرب أحمد منسي، وأبطال معركة البرث تخلدت فى أذهان الشباب المصرى وبلمسات وكلمات بسيطة عبر كل منهم بطريقته الخاصة لتخليد بطولات الجيش خلال خوضهم لمعركة البرث بشمال سيناء.

 

وبعد أن صنع المسلسل حالة مُبهجة ووطنية لكل بيت مصري، جاءت فكرة تصميم كمين البرث بواسطة برنامج تصميم

هندسى لمهندس مصرى أحمد سعد، البالغ من العمر 23 عاما، حيث قال "الفكرة جاتلى بعد ما اتفرجت على مسلسل الاختيار ووجدت أبطالنا بيدافعوا عن الأرض ببسالة شديدة جدآ ، وأنا بقلّب فى مواقع التواصل الاجتماعى لقيت خبر عن مهندس الديكور اللى نفذ تصميم كمين البرث قال انه خد معاه 45 يوم تنفيذ ".
 
وتابع: "قررت ادخل تحدى أنا وأصحابى اللى كنا ديمآ بنشترك مع بعض فى تصميم أماكن أثرية وميادين مصرية علشان نبين للناس قد إيه بلدنا حلوة، وقررت انفذ تصميم كمين البرث على برنامج التصميم الهندسى (3D Max)".


"فى البداية كان الأمر صعب لأن مش معايا صور كافيه للكمين، ومن خلال مشاهد التصوير قدرت اخد كدرات علشان ارسم المكان من الداخل علشان أحوله لمتحف ونصب تذكارى فيه صور أبطال الكمين وعلى رأسهم البطل العقيد أحمد منسى، التصميم ده اخد 3 أيام معايا".

 

وأفاد سعد: "وبعد الانتهاء قررت أن احط التصميم على جروب أصدقاء أحمد المنسى، على (فيسبوك) ومن ساعتها لقيت كل الناس فى الجروب تفاعلوا مع التصميم جدآ وبدأو بالنشر، وسعدت جدآ لما لقيت شقيق الشهيد البطل أحمد شبراوى، شارك البوست من خلالى وكاتب عليه، نموذج محاكاة لكمين البرث اللى استشهد فيه الأبطال، حسيت ساعتها إني عملت حاجة حلوة جدآ وقدرت اخلد ذكرى ملحمة البرث لأبطالنا من جيش بلدى العظيم" .

 

وأكمل: "بعد ماشاركت كل الناس اتمنى كلنا اللى يقدر يقدم حاجه لأبطالنا ولو بسيطة يعمل كدا علشان نقدر نوصل للعالم كله قد إيه أبطالنا عملوا كتير علشان بلدنا ".

أهم الاخبار