لله والوطن
سنظل نردد: إن تطوير التعليم لا يحتاج «طلاسم» ولا ألغازا ولا لوغاريتمات.. المسألة ببساطة هي أننا نريد فصلا دراسيا ينتظم فيه الطالب ويجد المدرس الذي يعلمه تعليما جادا.. وفق مناهج دراسية ووسائل تعليمية وتربوية حديثة.. ونظم اختبار وتقييم جادة.. ومناسبة.. بما يؤهله في النهاية للتخرج ليس فقط حاملا شهادة دراسية «على الورق».. ولكن يكون حاملا علما حقيقيا يفيده ويفيد المجتمع.. وأي مشروع تطوير يخفق في اقناع الناس بقدرته على تحقيق هذه المعادلة.. هو مشروع محكوم عليه بالفشل.. مثله مثل كل «التجارب» الفاشلة السابقة.
< بهذه="">
نعرض في السطور التالية رسالة.. موجهة من والدة أحد طلاب «أولى ثانوي» الذين أدوا امتحانات نهاية التيرم الأول هذا العام.. ولأول مرة.. بنظام «الأوبن بوك» أو الكتاب المفتوح.. الذي يسمح للطالب أن يصطحب معه الكتاب المدرسي داخل اللجنة ليستعين به في حل الأسئلة.. وهي رسالة تنقل للوزير رأي أولياء الأمور في هذا النظام.. ننقلها هنا دون إضافة أو نقصان.. تقول الرسالة:
< شكرا="" سيادة="">
انك ضيعت تعب 10 سنين.. 10 سنين بعلم ابني يكون عنده ضمير.. وإن من جد وجد.. و في الآخر أكتشف ان كله «وجد» واللي «جد» للأسف عبيط.
< شكرا="" سيادة="">
انك في أقل من سنة ساهمت في هدم قيم حاولنا نزرعها في ولادنا من صغرهم.. حاولنا نعلمهم ان من غشنا فليس منا عشان اللي حيغش النهاردة في امتحان بكرة حيغش وهو بيبني أو بيعلم أو بيعالج أو بيبيع.. بس هم اكتشفوا ان كل جيلهم بيغش.. وان الامتحانات بأجوبتها للجميع.. وحضرتك بتتفرج عليهم وتقولهم انتو الخسرانين..!!. ما احنا عارفين انهم خسرانين.. اللي بيحصل دة مش بسيط ولا «حادث ويمر».. لأن اللي داق سهولة الغش صعب أوي يرجع انسان عنده ضمير في بلد كل حاجة فيها بقت ماشية بالفهلوة.
< شكرا="" سيادة="" الوزير..="">
على محاولتك تطوير تعليم فاشل نتج عنها صورة ماسخة مفيش شبهها في أي مكان في العالم.. نظام الكتاب المفتوح ليه طريقة في المذاكرة وطريقة في الشرح.. ولا الطالب ولا المعلم اتدربوا عليها.. ومطلوب من طلبة بقالهم 10 سنين على نفس نظام التعليم يحلوا امتحانات شبه الفوازير.. مدرسينهم نفسهم محتارين في حلولها.. ولولا لعبة التسريبات كان زمان نتايجها بقت فضيحة مدوية!.. وحضرتك بكل فخر طالع تتحدى الجميع و تقول اللي عايز «يبرشم» يتفضل..!!
•• شكرا سيادة الوزير..
على كمية الاحباط اللي أصبت بيها مؤيدينك قبل معارضينك..انا شخصيا كنت مع التغيير بالرغم من اعتراضي على طريقة التنفيذ واستمرار المناهج القديمة والشرح القديم.. بس كنت ساكتة.. عشان أي تغيير صعب وخصوصا في أوله.. بس بعد مهزلة الامتحانات.. واللي مقدرش اسميها تسريبات عشان كل بيت في مصر عنده الامتحانات بأجوبتها بما فيهم مراقبين اللجان والمصححين.. بقيت متأكدة إن الموضوع فيه إن (!!).. لو الموضوع خارج عن ارادتك بمنتهى البساطة كان ممكن توقف المهزلة دي.. لأن الامتحانات تجريبية أساسا.. وتنزلها على بنك المعرفة ومعاها نماذج الاجابات.. وتوفر علينا حرقة الدم كل يوم.
< شكرا="" سيادة="">
على كمية الفلوس المهدرة الترم دة بس.. مصاريف مدارس وكتب خارجية وطباعة أوراق امتحانات ولجان وكنترول وتصحيح في مسرحية هزلية للأسف مبتضحكش.. لو دة مش اهدار للمال العام ولا لفلوس الناس الشقيانة اللي بتكمل الشهربالعافية وبتحلم بس بالستر وإن ولادهم يبقوا أحسن منهم يبقى اسمه ايه..؟!
< شكرا="" سيادة="">
على شعور الحسرة اللي مسيطر على بيوت كتير و هم شايفين ولادهم اللي كانو من الأوائل قاعدين على الموبايلات يهزروا و يتابعوا «الفيس».. ومش قادرين يفتحوا بقهم ولا يعترضوا.. أصلهم حيقولوا لهم ايه؟.. ذاكروا ايه؟.. وازاي؟.. اذا كان محدش فاهم حاجة..!!!.
•• انتهت الرسالة .. وأترك لك التعليق.