رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

شواكيش

اصحى يا نايم

< أصبحنا نعيش حياة دوت كوم.. شباب يفطر على الإنترنت.. ويتسحرعلى الواتساب!

< شيئان يغيران نظرتنا للحياة.. «ضعاف الفلوس ومقالب فلوس رامز جلال»!

< يا بخت الباعة الجائلين فى فوضى مترو الأنفاق.. أصلهم بيركبوا ببلاش وبينزلوا براحتهم فى كل المحطات!

< الناس أجناس.. ناس فضة وناس نحاس.. وناس دهب ملوش قياس.. وناس وسواس خناس.. وعجبى على زمن الغلبان فيه ينداس!

< مُسحراتى الغلاء : اصحى يا نايم يأبوضحكة جنان.. اصحى يا كسلان الأسعارهتغلى كمان وكمان!

< نُص الغلابة يفرحون «جوعاً» على موائد الرحمن بينما نُص الأغنياء يموتون من «التُخمة» من هُبر الزمان!

< ناس شبعانة..وناس جعانة بتسد جوعها على موائد الرحمن.. وعجبى عالزمن العجبى!

< أقر وأعترف أن الحكومة «هتصوم» هذا الشهر الفضيل عن قطع الكهرباء ولكن هتجُبرنا على دفع فواتيرالغلاء!

< كل أنواع الياميش فى أسواق الغلاء تسد بُق الأغنياء.. أما الفقراء فيكفيهم نظرة العين!

< بمناسبة رمضان نُهدى أُغنية : «وحوى يا وحوى إياااااحة.. جُوعت يا غلبان إياااااحة.. ومرضت يا تعبان إياااااحة.. عيّطّوا يا عيال عالعيشة الضنك وغلا الدوا.. إياااااااااااحة!».

< عجبى عليك يا زمن.. ناس بتشرب عسل وناس بتشرب مُر.. وناس بتركب دماغها ومش لاقية تمن الدوا المُر!

< على رأى الفنان «عوكل»: إيه اللى جاب قلعة الأسعار جنب بحر الغلاء!

< الدولارهيواصل ارتفاعه مع درجات الحرارة.. والغلابة يواصلون رحلة الجنون فى «أسواق الغلاء»!

‏Elzaky2020 @ gmail. Com