حكاية وطن
إذا جاءتك المذمة من ناقص، فهي شهادة علي انك كامل، لا يشمت في الجيش المصري الذي يخوض حرب الكرامة ضد الإرهاب، إلا خائن، أو عميل، أو إرهابي، أو مأجور، أو ضال، أو مضلل، الذين يسمعون عن تضحيات أبطال القوات المسلحة والشرطة هم الذين يبنون ويعمرون.. ميخربوش، ميضيعوش، ميدمروش، دفاع أبنائنا في القوات المسلحة عن الوطن شرف، أحد الأبطال قال لزوجته يودعها قبل سفره الي الجبهة: بلدي عرضي ولو معرفتش أحميها مش هاعرف أحميكي. الأبطال يد تبني ويد تحمل السلاح، ولسان يقول أشعاراً تصف البطولات، وتكشف أصحاب الذقون العيرة والمزيفة.
وأحيل أنا هؤلاء المغيبين المضللين المشككين لأشعار الرائد متقاعد محمد طارق وديع:
أنا اللي زمايلي بيموتوا في غدر
الليل وجهر نهار، ومش آخرى
أقول فيهم رثا أشعار
أنا الشايل في إيدي سلاح
وأنا الحالف لاخد بالتار
وأنا اللي عاهدته وعاهدني
بأن اللي يموت فينا زميله يكمل المشوار
يجيب حقه، يصون عهده، يعيش ويموت فدا أرضه ويرويها بدمه الحر فتطرح أطهر الأشجار.
طلعت طابوري لعساكري ووشي حزين، العساكر طيبين، غلبانين يوم ما تضحك في وشوشهم يقعوا من الفرح طايرين والنهارده الوعي زاد، والحزن قاد، أعلنوا هما الحداد، نكسوا علم البلاد، ما حنا برضه المدبوحين.
انتباه.. انتباه
انتباه كل العساكر، احنا مش بتوع حداد احنا نار قايدة بعناد
احنا صخر ما بيتكسرش وكل هزة يزيده ثبات.
احنا شايلين السلاح، وايدينا جاهزة ع الزناد ضد الخيانة والفساد ضد اللي ربي ذقنه فجأة وعاش في وهم وقال جهاد.
جهاد دي خالتك اللي بتبيع السبح عشان تعيش.. جهاد دي أمك اللي خلفتها طلعت كلب جاهل ما يساويش.. جهاد حبيبتك خلاص متبرية منك انت ذكري خلاص مفيش، واللي فاضلك طلقة مني والطلقة مني بعدها مش ممكن تعيش أوعاك تفكر اني سهل، وموت ولادي دا رخيص..
أوعاك تعيش دور منتصر، وشهيدنا طالع للسما حي وعريس.
أوعاك تفكر أنك انت جهادي فعلا، وتموت وتدخل جنة حدف.. وانت أسفل سافلين ويا ابليس الخسيس عدي علينا كتير في حالتك، نفس الإجابة لو سألتك: بيقولوا كله فدا وجهاد ميعرفوش أن الحقيقة جهاد دي خالتك مين اللي قال ان الجهاد الدم فيه سهل ومباح دبح بسبب وبدون سبب وغدر سداح مداح.
المصطفي سيدنا النبي مبعوث برحمة للعالمين ولا جه بسيف ولا بالسلاح وصي وقال افشوا السلام، ع الدم قال كله حرام، اقتل وقول الله أكبر، الله أكبر عندنا جوه القلوب مش بالكلام.
جهلك عماك والعقل عندك شيء مفيش بيقول كلام مالهوش علاقة ببعضه كله ما يساويش، وأنا اللي جايلك يا وعدك، أنت ذكري خلاص مفيش كل اللي فاضلك طلقة مني، والطلقة مني بعدها مش ممكن تعيش.
أنا الشهيد اللي جاي احفظ بدلتي وهويتي، ومتنسانيش، أنا المقاتل العنيد جاهز أموت وتحيا مصر تقوم تعيش.
أنا اللي علي ايدي نهايتك طعنك في ظهري مهدنيش.. قواني أكتر، أنزف وأقول الله أكبر، وتحيا مصر، ونموت ومصر متنحنيش.