عاجل
رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين
رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين

شواكيش

 

> أحسن مسرحية معروضة حاليًا على مسرح الغلاء «عفاريت رفع الأسعار»!!

> الحكومة رضخت لـ " تعويم الجنيه " وغرقت الأسعار فى «شر الدولار»!!

> بما أننا نعيش فى عصر " تفتيح المخ " علينا أن نفتح مخ حكومتنا ونشوف فيه ايه؟ أكيد هنلاقى «غلاء فى المخ»!!

> أُغنية الغلبان فى أسواق الغلاء.. أكيد « بيحلم برغيف العيش وأنا معييش تمن الغموس وبلعن الأزمات»!!

> نعيش فى زمن «الضحك» فيه بقّى بفلوس.. والغلبان بقّى بتراب الفلوس!!

> فى أزمة الغلاء : الحكومة مشبعانا تصريحات..والناس الغلابة بيصرخوا بالأهااااااات»!!

> لاءات الحكومة الثلاث.. لا زيادة فى الأسعار.. لا زيادة فى الدولار.. ولا زيادة فى التصريحات!!

> حكومات زماااان أرغمتنا على «شد الحزام».. ودلوقتى حكومتنا تُجبرنا على « شد لحم البطون»!!

> عندما نسير فى شوارع المحروسة نجد أن كل ما يُباع " صينى "إلا المواطن الغلبان فلا تسعيرة له!!

> "البرلمان " بيفكرنا دايمًا بالمقولة الاستجوابية: «تسأل..ولا تستجوب الحكومة خفيف خفيف»!!

> طلاق 56% من المتزوجين حديثا نصهم» خُلع « والنصف الآخر «خلعان»!!

> الفنان الهضبة وصفوه بـ«الهرم الرابع»... وطبعًا حتشبسوت 2017 هتغنيله «تملى معاك»!!

> الإعلاميون ماسكين طبلة ورق ليل نهار.. وطبعا الرقص السياسى للمشاهدين لحـــد  «سبعة الصبح»!!

> مطرب الغلاء على رصيف الغضب: ما بقتش بلدى.. دى بلد البهوات الكُبار.. اللى واخدين خيرها مِشفى.. وسايبين ليا عضم الأزمات.. وايييييييه!!

آَخِر شَوْكَشَة

>> بعد رفع أسعار كروت شحن المحمول أصبحت حكومتى تهددنى: «اخرس أوعى تكلمنى»!!

 

‏Elzaky2020 @ gmail. Com