رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

آه يا زمن

بورفؤاد وعبقرية المكان

 

 

 

< عديت المعدية.. الله على النورس والمية وفلوكة البمبوطية، ده كان زمان أيام السياحة وسفن الركاب المصرية.

< أنتم عايزين من مصر إيه؟.. حاصرتوها ومنعتوا السواح يزوروها وعايزين تدمروها شكلكم عايزين تشفطوا المتوسط وتملوا القنال زيت طبيخ وجاز المكن.

< والله ما يحصل لو الشعب فاق من غيبوبة الفساد وعشق الجنيه ويبص على أرضه وبحره وجمال بلده أيام الناس المحترمة!

< يا خسارتك يا بورفؤاد.. شبه جزيرة.. وهوا لافف وبحر وشجر وشواطئ ورملة ونورس وحمام طاير وفي السما لافف.

< عايزين إيه ربنا موفر الخير، وفي نفس الوقت أهل ومسئولو بورفؤاد داسوا على كل ده وأهملوا الارض والمكان وامتلأ بالزبالة في كل مكان وكسر الأرصفة وقطع الشجر وخنق الزهور.

< منظومة إدارة تخصصها الفساد، مجموعة من المسئولين والموظفين عايزين الحرق وهم أحياء.. يا سيدي على الفساد اللي وصل حلقوم البشر ومطعم بالقانون وروح القانون في بورفؤاد وبورسعيد، وكل مصر لحد ما خربت الدنيا مش بس بورفؤاد ده كله كليله.. طب انت سرقت.. اشتغل شوية.. مفيش دم.

< بورفؤاد عايزة راجل دكر قلبه كبير وفكره جديد، وايديه لا ترتعش وعينيه صاحية وواعية وقراراته حديد وعارف قيمة أجمل مكان يمكن يكون أجمل منتجع في مصر.

< بورفؤاد لها مقومات المنتجعات السياحية متعددة الأغراض يتفوق على شرم الشيخ والغردقة ورأس محمد.

< بحر نظيف وشاطئ رملي ممتد ورماله كثيفة زي السكر، بس يا خسارة ممزوج بالزبالة.. المصريين زبالتهم عجيبة وروايحها أعجب، وطبعاً لا فيه حد ينظف ولا حد يشيل ولا حتى حد يمنع، والشرطة والحي والأمن تايهين.

< تصورت عمل مشاريع تجذب السياح وتنشط السياحة الداخلية والخارجية.. إن شاء الله أكتبها لكم في المقال التالي.

 

المنسق العام لحزب الوفد

رئيس لجنة الثقافة والفنون