مفاجأة عن سعر بيع الحمار المصري في الخارج.. لما جبريل تكشف التفاصيل
علقت الإعلامية لما جبريل، على انخفاض أعداد الحمار المصري، وذلك بعد تحذيرات نقيب الفلاحين الأخيرة، حيث أكد دخولها مرحلة الانقراض.
لما جبريل عن انخفاض أعداد الحمار المصري: بيتباع برا بـ 300 دولار.. وجلده مطلوب في الصين
وقالت لما جبريل خلال فقرتها ببرنامج "الحكاية" التي تقدمها مع الإعلامي عمرو أديب عبر قناة "إم بي سي مصر": “نقيب الفلاحين طلع حذر من إن أعداد الحمير نزلت من 3 مليون لأقل من مليون يعني الحمار المصري دخل على مرحلة الانقراض بشكل تدريجي”.
واستكملت: "أنا عارفة أن الخبر ده طلع في سنوات كتيرة قبل كده كتير بس المختلف المرة د إن فيه ارقام وفيه أسباب الغريب أن الحمار الواحد سعره في السوق ما بين تقريبا 7000 إلى 15000 جنيه بس جلده مطلوب في الصين عشان صناعة الأدوية والمنشطات بيتباع بكم بقى؟ بيتباع ب300 دولار".
وتابعت لما جبريل: يعني أكتر من سعره وهو صاحي وده طبعا اللي فتح باب اتجارة غير المشروعة في سوق الحمير يعني ده غير طبعاً إنه الجرارات والتوكتوك خدوا شغل في النقل والزراعة فبقت الحاجة للحمير مش زي زمان الحمار ليه قصص تاريخية وتراث في التاريخ المصري يعني من أول المصريين القدماء اللي كان الحمار عندهم حيوان مقدس ورمز للقوة والصبر والملك حرخوف في الأسرة السادسة طلع رحلة ب300 حمار عشان يشيلوا البخور.
تابعوا آخر أخبار بوابة الوفد الإلكترونية عبر نبض