رضوى الشربيني تقاضي إيمان صاحبة ترند حلقة مسكن الزوجية (تفاصيل)
أعلنت الإعلامية رضوى الشربيني عن مقاضاة إيمان صاحبة ترند حلقة مسكن الزوجية، بعدما زعمت إتفاقها مع إعداد برنامج هي وبس على فبركة الحلقة ، وذلك خلال فيديو بث مباشر عبر حسابها الشخصي بموقع التواصل الإجتماعي الأشهر “فيسبوك"، وأرفقته بتعليق قائلة : “وجب التوضيح للحلقة السابقة”.
رضوى الشربيني تقاضي إيمان صاحبة حلقة مسكن الزوجية
وجّهت رضوى الشربيني حديثها لإيمان حيث قالت: “معرفش يا استاذة إيمان حضرتك عملتي كده ليه، وأنتي بالنسبالي مش عدو، زي ما طلعتي تقولي أننا ادينا ليكي فلوس وقلنالك تمثلي وتقولي كلام مش حقيقي أكيد في ناس تانية اديتك فلوس وقالتلك تقولي أنها كانت تمثيلية، الحلقة اتعرضت يوم التلات لاقينا منك فويس نوت بصوتك يوم الخميس وبتقولي أنك مبسوطة ان الحلقة كسرت الدنيا وانك طالعة تريند”.
وتابعت: “ورد عليكي استاذ احمد اننا كان نفسنا نصلح، وبعتي فويس نوت لاستاذ احمد ومامته ودي هتتقدم للقضاء، في شهود عيان شاهدين على وجودك بصفتك خطيبة استاذ أحمد وهما فضيلة الشيخ والدكتورة فريدة الشوباشي وشاهدين على كلامك وانتي بتقولي لو مامته صممت أنا هفسخ”.
واستكملت: "وفي كواليس مطلعتش ومتصورة ومن حقي اذيعها بموجب الاقرار، انتي عملتي بلبلة على السوشيال ميديا، وعشان كده هلجأ للقضاء عشان أجيب حقي، بجد معرفش أنتي عملتي كده ليه”.
رضوى الشربيني تكشف الحقيقة الكاملة وراء حلقة أحمد وإيمان في برنامج هي وبس
وحرصت رضوى الشربيني على توضيح الحقيقة كاملة للجمهور بعد التشكيك في مصداقيتها ومصداقية البرنامج، حيث قالت: “خرجت عشان أوضح للجميع حقيقة الكلام المنتشر، أحمد تواصل كتير جدا مع البرنامج، وقال أن عايز يصالح خطيبته من خلال البرنامج، ٢ من فريق الإعداد كلموا ايمان وأحمد، وكاتب الاسكريبت اللي هيترجم قصتهم لai كلمهم في اكتر من طرف سمعهم، واللي اتقال انهم مخطوبين، وفضلنا شهور بنتواصل يعني مش اتسرعنا فغلطنا أو مخدناش بالنا”.
لمشاهدة الفيديو اضغط هنـا
كما كشفت رضوى الشربيني عن الأدلة التي في حيازتها ضد إيمان، حيث قالت: “اتطلب منهم صور البطايق وصورهم وشهادة وفاة والد أحمد وكل ده اتبعت وموجود عندنا، استاذة ايمان مضت على صحة بياناتها الشخصية، وهي باعتة بطاقتها مش مكتوب فيها ولا متزوجة ولا مطلقة يعني أنسة".
وتابعت: "إيمان بتعرف تقرا وتكتب ومضيت على إقرار أن الكواليس هيتم تصويرها سواء كانت هتتعرض أو لا، وأنها تقر أنها متحملة وحدها المسئولية القانونية عن كل قول لها، يا استاذة إيمان حضرتك مضيتي أنك لم تتقاضي أي أجر مقابل ظهورك معانا، يعني القصة قصتك والحكاية حكايتك وخطيبك هو اللي طلب مننا أنكم تطلعوا معانا، وانه يستعين بينا عشان تتصالحوا على بعض”.
تابعوا آخر أخبار بوابة الوفد الإلكترونية عبر نبض