"ناس تافهة".. هجوم قوي من طارق يحيى على مطالب الرحيل بحسام حسن

أشاد طارق يحيى المدير الرياضي لفريق أهلي بني غازي الليبي، بفوز منتخب مصر على نيجيريا وديا بهدفين مقابل هدف استعدادا لكأس الأمم الإفريقية.

وقال يحيى في تصريحات مع سهام صالح لبرنامج الكلاسيكو على قناة اون: تجربة نيجيريا جيده للغاية،
كنا لازم نلاعب فرق كبيرة ومصنفة 
واضاف: سمعت أن الناس مش عاوزه تلاعب المستويات دي عشان خايفين أنهم يمشوا عييب

وتابع: مع احترام لهاني ابو ريدة مينفعش أجيب جهاز لمنتخب مصر على خلاف مع حسام حسن وشايف ان ده مقصود جدا

وواصل: ازاي المنتخبين يكونوا رايحين المغرب، ده يسافر بطيارة وده يسافر بطياره تانيه هو ده اسمه كلام

واكمل: كان لازم يكون في جلسة بين الاتنين ولو كان ف تنسيق مكتاش ظهرنا بالشكل ده ، ولازم ندعم المنتخب وكلنا نكون ورا المنتخب ونبعد عن اي ترصد لحسام حسن ده مصر ياجماعه

وشدد: لازم حسام حسن يكمل لكاس العالم مهما كانت النتائج في امم افريقيا ، المغرب قعدت عشرات السنين عشان تظهر بالشكل ده احنا فين من التخطيطات دي

واختتم: الناس بتقول احنا مش عاوزين حسام احنا مش بنحب حسام مش عارف ايه، اللي بيتعامل بالكلام ده، ده انسان تافه