كنا سوا

من بين ثمار الإبداع المتناثرة هنا وهناك، تطفو على السطح قطوف دانية، تخلق بنضجها متعة تستحق التأمل، والثناء، بل تستحق أن نشير إليها بأطراف البنان قائلين: ها هنا يوجد إبداع..
هكذا تصبح "قطوف"، نافذة أكثر اتساعًا على إبداعات الشباب في مختلف ضروبها؛ قصة، شعر، خواطر، ترجمات، وغيرها، آملين أن نضع عبرها هذا الإبداع بين أيدي القراء، علّه يحصل على بعض حقه في الظهور والتحقق.

"سمية عبدالمنعم"

كنا سوا
جناحين فى عز الهوا
حبيبين الدنيا تحسدهم 
حبيبين فى المُبتدا وِختام
بحلم ببكرة يكون عليكى بَرْد سلام
أو أفنَى فيكى فرد حمام
بحلم أعيش العمر عِرفانك
تكونى الجايزة للعابد صلاة وصيام
يا وحدِك سِر حُب حلال فى دنيا حرام
يا أول بنت حور كانت للملايكة إمام
يا أول ناى فرايحى بيعزف الحِنة من الأخرام
ياكل نجوم الليل فى حجرِك..
وكفك منبع الأحلام
يا أحلى من الكلام فى حضرتك صَمتُه
قلبى اللى خلانى أفطر نهار شوفك
ولا خلانيش صُمتُه..
لا ضالة لا مُضلّة
ولا يقدر عاشق النور على الضِلَة
ولا يُسأل المجذوب على الأيام
وياما فيه كلمة بحبَك
لابسه توب برافو عليك
وكتير أحضان تتلخص من جملة:
طمنى عليك
وكتير مرّات وحشتينى بتطلع ان:
كله تمام
يا بنت زى الورد البلدى فى نعومتُه
قلبِك الملكوت من تِبر غالى وخام
من شعرك يتكحّل المِروَد (ومَكحلتُه)
يا ملهمة وأَلْفَة.. لكل معنى يبقى كلام.
كنا سوا
أحمد الشيخ

كنا سوا
جناحين فى عز الهوا
حبيبين الدنيا تحسدهم 
حبيبين فى المُبتدا وِختام
بحلم ببكرة يكون عليكى بَرْد سلام
أو أفنَى فيكى فرد حمام
بحلم أعيش العمر عِرفانك
تكونى الجايزة للعابد صلاة وصيام
يا وحدِك سِر حُب حلال فى دنيا حرام
يا أول بنت حور كانت للملايكة إمام
يا أول ناى فرايحى بيعزف الحِنة من الأخرام
ياكل نجوم الليل فى حجرِك..
وكفك منبع الأحلام
يا أحلى من الكلام فى حضرتك صَمتُه
قلبى اللى خلانى أفطر نهار شوفك
ولا خلانيش صُمتُه..
لا ضالة لا مُضلّة
ولا يقدر عاشق النور على الضِلَة
ولا يُسأل المجذوب على الأيام
وياما فيه كلمة بحبَك
لابسه توب برافو عليك
وكتير أحضان تتلخص من جملة:
طمنى عليك
وكتير مرّات وحشتينى بتطلع ان:
كله تمام
يا بنت زى الورد البلدى فى نعومتُه
قلبِك الملكوت من تِبر غالى وخام
من شعرك يتكحّل المِروَد (ومَكحلتُه)
يا ملهمة وأَلْفَة.. لكل معنى يبقى كلام.