شيرين عبدالوهاب توجه رسالة خاصة لـ ابنتها| ماذا قالت للصحفيين والجمهور؟

حرصت المطربة شيرين عبد الوهاب، على توجيه رسالة شكر وامتنان لابنتها مريم؛ بعد تفوقها الدراسي، وتواجدها ضمن أوائل المدرسة البريطانية التي تدرس فيها، معلقه:«شكرًا لأنك حسستيني إن تعبي معاكي ماراحش هدر».

نشرت شيرين عبد، صورة ابنتها مريم برفقة بعض الكلمات المؤثرة، وذلك عبر حسابها الرسمي بموقع تبادل الصور والفيديوهات "إنستجرام": "في البداية، أحب أوجه الشكر لكل الناس اللي دعموا بنتي، وأقول لهم كتر خيركم، من صحفيين لجمهور، ولأي حد بارك لبنتي وقال كلمة حلوة في حقها، ربنا يخليكم ويجبر بخاطركم وتشوفوا ولادكم أحسن الناس، وربنا يحميهم كلهم من أي شر".

وجهت شيرين عبد الوهاب رسالة خاصة لابنتها مريم، قائلة: "بقول لبنتي مريم، أنا فخورة بيكي، شكرًا لأنك حسستيني إن تعبي معاكي ماراحش هدر، شكرًا لأنك بنت متربية، وشكرًا على إنك مجتهدة في دراستك، ربنا يحميكي ويكفيكي شر عين الحاسدين (قل أعوذ برب الفلق)".

على صعيد آخر، علقت الفنانة شيرين عبدالوهاب على الأزمات التي تعاني منها وغيابها عن الوسط الفني، قائلة: “هناك مؤامرة معمولة عليا علشان أقعد فى البيت".

وأضافت الفنانة شيرين عبدالوهاب، خلال مداخلة هاتفية ببرنامج “الحكاية”، المذاع عبر فضائية “إم بي سي مصر”، تقديم الإعلامي عمرو أديب: “وأنا مكنتش بتكلم وكنت قاعدة زى ست خيبتها، والآن صوتي مش هيتقطع وهفضل أغني وراكبة القطر بتاعي ومحدش هيعرف يوقفه، خلاص أنا سكت كتير”.

وتابعت شيرين عبدالوهاب: "أنا بناشد القضاء المصري زي ما اتحكم لروتانا بالغلط انهم ياخدوا مني 8 ملايين بالسرعة دي، أنا كمان القضايا اللي رفعاها يتحكم ليا بسرعة لأني ليا حق”.

محدش يجيب سيرتي.. أنا فنانة كبيرة:
وتابعت الفنانة شيرين عبدالوهاب: “صحتي زي الفل وأنا فلة شمعة منورة وبحب جمهوري جدًا وكتر خيركم وعلي دماغي اللي بتعملوا علشاني، وأنا ماضية دلوقتي مع شركة ربنا، وهو اللي ممشيني ومنجحني وواقف معي، وأنا لا أحتاج شركات، ومبسوطة كدا، والكل يلزم حده ومحدش يجيب سيرتي أنا فنانة كبيرة".

وأطلقت النجمة شيرين عبدالوهاب، أجدد أعمالها الغنائية بعنوان ومازال ع البال، عبر موقع الفيديوهات الأشهر عالميًا يوتيوب.

صناع أغنية شرين عبدالوهاب الجديدة “ومازال ع البال”:
أغنية “ومازال ع البال”، كلمات- تامر حسين ، الحان- مدين، توزيع- توما، ميكس وماستر- توما، وتريات- سعيد كمال، جيتار- مصطفي نصر.

آخر أغنيات شيرين عبدالوهاب:

كانت شيرين عبدالوهاب طرحت أخيرًا أغنية "هنحتفل"، من كلمات تامر حسين، ألحان عزيز الشافعي،  توريع توما، تقول جزء من كلماتها: "أنا عاوزة أقولك لو كنت معايا تركيزي كله ودنيتي ليك، لأ عادي جدًا هلغي اللي ورايا وأدلع فيك،  تلفوني هيتقفل وأنا وأنت هنحتفل  هنحتفل باللحظة الحلوة دي والنوم حرام لو الواحد غفل عاوزة أستغلك ومأسبش دقيقة جمب القمر دا وأبص لمين، أبص لمين وأنا لما أقابلك عندي كلام تاني من اللي هتسرح فيه ".

تفاصيل حفل عمر خيرت في مهرجان القلعة