أشرف زكي يوجه رسالة شديدة اللهجة للبلوجر
![بوابة الوفد الإلكترونية](/themes/alwafd/assets/images/no.jpg)
قال الدكتور أشرف زكي، نقيب المهن التمثيلية، أنه يرفض مشاركة البلوجر والتيك توكر في الأعمال الفنية، موضحاً أن التمثيل يأتي من خلال الموهبة وهناك علامات تدل على ذلك.
وتابع أشرف زكي، خلال تصريحات تليفزيونية، :" لو في أي موهبة حقيقية بنرحب بيها، لكن لو بلوجر أو غيره والناس تقوله يالا نمثل لأ مش كده.. التمثيل مش مهنة من لا مهنة له، شوفلكم شغلانة تانية وأبعدوا عننا.. إحنا اللي فينا مكفينا والعيب مش عليهم".
وأشار أشرف زكي، إلى أن الخطأ الكبير في مشاركة البلوجر يأتي من بعض الشركات المنتجة والمنتجين الذين يلهثون ورائهم بغرض شهرتهم والترويج للعمل من خلال صفحاتهم.
وأضاف أشرف زكي، :"أي حد هيشتغل من غير تصريح من النقابة بدون موافقة، تصل الغرامة لمليون جنيه، أي حد عاوز يمثل من التيك توكر لازم يتقدم بتصريح من النقابة لو بتتوافر فيه الشروط بنديه موافقة، لكن الموضة بتاعت البلوجر أنا رافضها شكلاً وموضوعاً ومش هسمح بيها، ممكن يستنوا لما أمشي ومدتي تخلص ويعلموا اللي هما عاوزينه".