هشام جمال يكشف موعد حفل خطوبته على ليلى زاهر
كشف النجم هشام جمال موعد حفل خطوبته على الفنانة ليلى زاهر بعدما أعلن عن ارتباطهما في شهر يناير الماضي.
أكد هشام جمال في تصريحات خاصة عن حفل خطوبته، قائلاً: "الصيف ده حفل الخطوبة، بجد لسه ما حددناش اليوم، مستني بس أخلص الشغل اللي عندي الفترة دي، وكمان هي عندها كام حاجة بتخلصها وهنحدد على طول".
هشام جمال يعلن ارتباطه بالفنانة ليلى زاهر
أعلن هشام جمال ارتباطه بالفنانة ليلى زاهر في شهر يناير الماضي، وذلك بعد أن انتشرت العديد من الشائعات حول ارتباطهما، ليخرج بعدها هشام جمال في تصريحات تلفزيونية ليكشف عن بداية حبه لـ ليلى زاهر، قائلًا: "بدأت قصة حبي أنا وليلى زاهر واحنا بنصور كليب كلمة أخيرة لما سافرنا لبنان، ليلى كانت مع أهلها وانا مع أهلي وكنا بنخرج خروجات أسرية والأسرتين اتعرفوا على بعض وحصل مواقف كتير من اللي بتبين المعدن.
وتابع: "أنا لقيت في ليلى وقتها كل اللي ممكن أتمناه، محترمة ورقيقة وطيبة وجدعة كل المواصفات موجودة فيها فبدأت احس وقتها أنه فيه حاجة، وفي يوم نزلنا قعدنا ولمحتلها اني بحبها وفضلنا نتكلم شوية دون اي مشاعر لحد ما نتأكد أنه إحساسنا صح وناخد الخطوة واتقدملها".
وتابع: "أنا اتقدمت ليها في النادي الأهلي كنا انا والفنان أحمد زاهر قاعدين في النادي ورايحين عزاء سوا فقولنا ناكل قبل ما نروح العزاء وفي وسط الكلام قولتله هنعمل اي في موضوع ليلى، لقيته اتخض بيقولي موضوع اي فحكتله على كل حاجة وأول حاجة سألهالي هو الموضوع ده من امتى، أنا فضلت أقوله حاجات كتير تطمنه على بنته لأنه بيحب بناته أوي".
