أحمد دياب: أحمد رفعت لم يسافر بوعد منى ولكنه بقرار وزاري

تحدث أحمد دياب رئيس رابطة الأندية المحترفة المصرية في تصريحات عبر برنامج الكورة مع فايق المذاع عبر شاشة mbc عن توجيه شقيق أحمد رفعت علامات الاستفهام له.

وقال دياب إن أحمد رفعت علشان يسافر تم استخراج قرارين وزاريين وتصريح للسفر إلى ليبيا.
 

وتابع: رفعت بعتلى لما اتعرض للموقف واتكلمنا كذا مرة بعد كدا نقلت الكلام مع وليد دعبس رئيس النادي. 

وأضاف: هتكلم على آخر نقطة اتقالت أنه أحمد رفعت قولتله سافر رغم أنه مكنشي مستوفي الأوراق وعلشان أوضح الصوره؟ أي لاعب علشان يسافر لازم يكون مستوفي الشروط وأحمد طلعله قرارين من وزارة الشباب والرياضة الأول علشان يسافر ليبيريا في مباراة والقرار الوزاري الثاني اللي طلع لأحمد رفعت لما سافر الإمارات علشان ينضم للوحدة.

وأوضح: أنا قولت لأحمد أنا مش هقولك اركب الطيارة غير لما القرار يطلع ويبقى في أيدي ولما طلع كلمته قولتله اطلع وتوكل على الله.

وتابع فبالتالي الوزارة مسفروش أحمد بناءً على وعد، وأحمد سافر قانوني بتصريح سفر وبقرار وزاري لكن بعد كده ده مش قرار النادي لأن في جهات بتحدد.