لقاء الخميسي: أحمد زكي قالي هتبقي موهوبة.. ونزلت قبره عشان بحبه

 علقت الفنانة لقاء الخميسي على نزولها قبر الفنان أحمد زكي، قائلة: "نزلت قبر أحمد زكي عشان بحبه، وكنت حامل في ابني، ونزلت السلالم كلها وطلعوني، وزوجي كان ماسك النعش معاهم، وبحبه عشان بصدقه ومن أهم الناس".

 وقالت لقاء الخميسي، خلال استضافتها ببرنامج "أسرار" مع الإعلامية أميرة بدر، المذاع على قناة النهار: "كنا صغيرين أنا وزميلي لؤي عمران، وقابلنا أحمد زكي في الأسانسير، قالي انتي ممثلة من غير ما يشوف لي حاجة، ولا كنت عملت حاجة، وقالي هتبقي موهوبة جدًا، وقال لزميلي بردو، وقلت له أنا بحبك ممكن أخد حضن، راح حاضني، وبعد وفاته مقدرش اتفرج له على حاجة، وعمري ما نزلت قبر أحد غير لأبويا".

 برنامج "أسرار" تقدمه الإعلامية أميرة بدر على شاشة النهار يوميًا خلال شهر رمضان، في تمام الساعة التاسعة والنصف مساءً، تستضيف من خلاله عددًا من نجوم الفن والرياضة والسياسة في مصر.