صافيناز: بدعي ربنا قبل ما أطلع أرقص وجوزي بيغير عليّا جدًا
فجرت الراقصة صافيناز العديد من التصريحات الصادمة التي أثارت ضجة واسعة خلال الساعات الماضية على مواقع التواصل الاجتماعي، وذلك أثناء استضافتها بالبرنامج الذي يقدمه الإعلامي العراقي نزار الفارس، لتكشف مدى غيرة زوجها عليها وأنها لا تتمنى موتها على المسرح.
صافيناز: بدعي ربنا قبل ما أرقص
وعن قول الراقصة صافيناز " يا الله " قبل طلوع المسرح سأل نزار الفارس صافيناز سبب قولها ذلك، قائلًا: " يعني انتي من طقوسك قبل طلوع المسرح في الكباريه لترقصين تقولين يارب "، لتجيبه: " أكيد "، وتابع سؤاله: " عشان ايه ؟ يوفقك؟.. وتهزين كويس مثلًا ليه؟ ".
وأجابته صافيناز: " عشان كلنا بني أدمين.. ممكن وأنت على المسرح قلبك يقف وتموت.. في فنانين كتيرة بتموت وهي على المسرح، وبقول يارب عشان اطلب طاقة من عنده ".
ورد عليها نزار الفارس: " كيف تطلبين باور من الله وهو مش قابل أنك ترقصين "، لتجيبه : "هو اللي قالك ؟ "، وأجابها: " طبعًا هو أكيد بيقول في الكتب السماوية أن المرأة لازم تخاف على جسمها".
وصدمت صافيناز الجميع بردها، حيث قالت: " في الحتة دي أنا مش معاك.. ربنا بيديني الباور أمال مين اللي بيديني باور".
لينفعل نزار الفارس ويجيبها: "في الأفلام في مصر والعراق بيقولوا هيتجوز رقاصة!.. احنا في المجتمع العربي بيرفض الرقص".
وردت صافيناز عليه: "وفي نفس الوقت متقدرش تعمل فرحك من غير راقصة".
صافيناز: جوزي بيغير عليا بجنون
وسأل نزار الفارس صافيناز إذا كان زوجها يغار عليها لتجيبه: " جدًا وبجنون"، وتابع: " إذا كنتي ترقصين بالملاهى الليلية ومطلعة جسمك.. أحنا بنغير على الست لو لبست ضيق أو قصير.. لكن انتي 24 ساعة على الإنستجرام صورك طالعة وترقصين.. هيغير ازاي.. هيغير ازاي على راقصة ترجميها".
وردت صافيناز عليه: " أكيد هو بيغير جامد جدًا يعني..انتي طالعة على المسرح الناس كلها بتحبك وبتتفرج عليكي.. محدش يقدر يلمسك، كله عايزك بس في الآخر رايحة عند جوزي ".
وقال نزار الفارس لصافيناز: " يعني تلبسي مفتوح أو قصير عادي بس الغيرة في اللمس"، وأجابته صافيناز: " أه طبعًا ".
