ع الطاير
كل الأشياء الحلوة واللى مش حلوة عاوزة بيئة داعمة محفزة يعنى إيه الكلام ده.. يعنى بسلاسة وببساطة وعلى بلاطة مينفعش تحرث فى البحر ومينفعش تزرع فى صحراء جرداء لا حياة فيها ولا ماء وكمان مينفعش تتعلم من غير ما تتعلم.
وعشان كدة وزارة الاتصالات وتكنولوجيا المعلومات أخذت على عاتقها خلق بيئة صالحة أو بالأحرى محفزة للإبداع والتميز والتألق عند الشباب وده عن طريق هيئة تنمية صناعة تكنولوجيا المعلومات ايتيدا ومركز الإبداع وبالأمس التقى الدكتور عمرو طلعت وزير الاتصالات وتكنولوجيا المعلومات مجموعة شباب من مؤسسى الشركات الناشئة المتميزة.
العاملة فى مجالات تكنولوجيا المعلومات والاتصالات وقال لهم إن تشجيع الإبداع وتحفيز ريادة الأعمال محور رئيس فى استراتيجية الوزارة وأن مصر حققت نتائج واعدة فى مجال ريادة الأعمال والشركات التكنولوجية الناشئة أصبح لها نصيب كبير فى الاستثمارات العالمية.
طيب إيه المناسبة أقول لك ده يوم الشركات الناشئة Startup Day والذى نظمته هيئة تنمية صناعة تكنولوجيا المعلومات «ايتيدا» من خلال مركز الإبداع التكنولوجى وريادة الأعمال تيك» التابع لها ولازم هنا بقى نقف وقفة ونقول إن مصر حققت نتائج إيجابية واعدة فى هذا المجال وحافظت خلال النصف الأول من العام الحالى على مركزها الأول فى منطقة الشرق الأوسط وأفريقيا فى جذب أكبر عدد من الصفقات الاستثمارية فى قطاع الشركات الناشئة والمركز الثانى فى حجم الاستثمارات.
طيب ده كفاية؟ فى رأى الوزير لا مش كفاية لأنه هناك دائما أفضل ونتطلع إلى المزيد من النجاحات لوضع مصر فى مكانة أكبر بين دول العالم.
طيب ده يحصل ازاى؟! أكيد ببذل مجهود أكبر
طيب ده هدفه إيه أكيد إنت عارف إن فى فجوة هائلة بين التعليم ومتطلبات سوق العمل يبقى ده الهدف سد الفجوة بين متطلبات سوق العمل واحتياجات الشركات الناشئة من الكوادر ومخرجات العملية التعليمية الأكاديمية.