لَمَّا تِعِيش مع ناس ماهِش فَهماك
لَمَّا تِلاقي الحُزن تَمَلِّي مَعاك
لَمَّا تِحِس المُر في لَحظة ضعف
لَمَّا ما تِعرَفشِ الفعل من الحَرف
روح لُه بصِدق وقُل لُه يا رَب انصُفنى
أَنا تايِه وإنتَ بالرحمة شايِفنى
نوَّر لي طَريقي بالخير عَرَّفنى
أَمّا أَضعَف إِزاى أَتحَمِّل
ما ألجأشِ أبدا غير ليك وأَكَمِّل
مِشوارى مِن غير ما أحتاج للعبد
أو لِإدين تِتمد لى مِن حَد
روح قُل لُه وَنِّس قَلبى برِضاك
اِبعِدنى عَن اللى بِيُقصُد يِعصاك
ما تغربنيش عن نفسى وتِهدينى
زَى ما وَعَدتِني أَدعى وتِدّينى
وَرّينى آياتك فى اللى ظَلَمونى
وكَلوا حقى مِنّى وِحرَمونى
خَلّينى تَمَلّى قُرَيِّب مِنَّك
وَرّينى اللى ما يِبعِدنيش عنك
عَوِّدنى فى قَلب الضلمة أثبَت واَشوف
حَرَّرنى يا رَب من الإحساس بالخوف