سهير رمزي فى عيد ميلادها "ربنا عوضني بحاجات كتير"

قالت الفنانة سهير رمزي، إنها كانت تحب عيد ميلادها عندما كانت والدتها على قيد الحياة، وأصبح عيد ميلادها ثقيل على قلبها، لأنه يذكرها بما كانت تفعله والدتها معها، ويأتي عيد ميلادها في الثالث من مارس كل عام.

 

وأضافت سهير رمزي خلال مداخلة هاتفية مع برنامج "الستات" التي تقدمه الإعلامية سهير جودة، قائلة: "الحمدلله ربنا بيعوضني بحاجات حلوة كتير، ربنا تملي حنين عليا في الحتة دي، و جوزي جنبي بيعملي أشياء لذيذة جدا، واصحابي واهلي، بلاقي حب من الناس ده بالنسبالي هو المفاجأة".

 

اقرأ ايضًا .. أسرار جديدة في حياة سهير رمزي بالحبر السري

 

وأشارت: "انا بزعل عشان في سنة راحت مني، وبزعل عليها مببقاش فرحانة اوي، دي سنة راحت ويا ترى السنة اللي جاية فيها ايه، الوحش لو انا

زعلت حد اقعد احاسب نفسي واصالح لأني مببقاش عارفة انا هكون موجودة السنة الجاية ولا لأ، وانا السنادي مكلمتش حد واعتذرت له لأني مزعلتش حد، وكل المكالمات اللي جاتلي وكل الاحتفالات اسعدتني جدا".

 

وتابعت:"في سنة من السنين اتصلت واعتذرت لأصدقائي كنت مزعلاهم وصالحتهم ، لأنني لا أعرف هل سأعيش للسنة القادمة أم لا، و اعتذرت اليوم عن التصوير لأن نص شعبان، يوم مهم الواحد  يقعد مع نفسه ويقرأ قران ويصلي كتير ويدعي ربنا، واليوم وجاي بعد عيد ميلادي".