السيسي للمصريين: قادرون على الصمود أمام أي تحديات (شاهد)
أكد الرئيس عبدالفتاح السيسي أن الظروف التي يعيشها العالم حاليًا صعبة وتحتاج من الجميع التكاتف والتعاون لتجاوزها.
وتابع السيسي خلال كلمته في فعاليات انعقاد مؤتمر التحالف الوطني للعمل الأهلي التنموي، اليوم الإثنين، أن الظروف العالمية ضاغطة ويجب طمأنةالمصريين من خلال معلومات صحيحة، قائلًا: "لدينا القدرة على الصمود أمام أي تحديات".
اقرأ أيضًا.. الهيئة الإنجيلية تشارك في المؤتمر الأول للتحالف الوطني للعمل الأهلي (صور)
وطمأن السيسي المواطنين على أوضاع الدولة المصرية وعدم الالتفات للشائعات، قائلًا: "يا جماعة اسمعوا مننا مش علشان إحنا أصدق من غيرنا.. ولكن مدركين لحجم التحدي أكثر من غيرنا، والبيانات والحلول بتبقى مطروحة من الدولة، وبالتالي أي اجتهاد من الآخرين ليس مكروهًا ولا مرفوضًا ولكن بيعمل بلبلة ويزعج الناس".
وأكمل السيسي: "لو مصر ظروفها صعبة هنتخلى عنها؟ أنا بكلمكم كلهم.. ولو ظروف مصر صعبة أهل مصر هيتخلوا عنها؟ هو إحنا دخلنا حروب وضيعنا فيها أموال مصر.. ولا إحنا دخلنا مغامرات ضيعنا فيها أموال مصر؟.. الحرب دي مش بتاعتنا والأزمة مش بتاعتنا.. ولكن مصر بتدفع ثمن زي كل دول العالم.. مختتمًا حديثه مداعبًا المواطنين ضاحكًا بالقول: "بطلوا هري بقى".
وتابع: "هو إحنا منقدرش كدولة وشعب نصمد أمام أي تحدي، يعني لو مصر ظروفها صعبة هتتخلي عنها، بكلم كل اللي بيسمعني، هو احنا دخلنا حروب ضيعنا فيها أموال مصر، دخلنا مغامرات ضعينا فيها أموال مصر؟".
وواصل السيسي: "الحرب دي مش بتاعتنا، الموقف اللي حصل سواء كورونا، أو أزمة روسيا، مصر معملتوش، مصر بتدفع الثمن زي أي دولة"، مستطردًا:"هقول التعبير الجميل اللي ممكن متنساهوش، بطلوا هري، بطلوا هري بقى".
وحرص الرئيس السيسي على توجيه الشكر لجمعيات المجتمع الأهلي العاملة داخل
وتابع: "النهارده لما بتكون مؤسسة مجتمع مدني.. بتقوم بدور الحكومة.. مش بتعمله بنفس الكفاءة والاحتراف وإحنا بنعترف بكده.. عندنا 50 ألف جمعية موجودة في مصر.. وكيانات التحالف نحتاج المزيد من الكيانات الأخرى تنضم.. شوفنا الدور المجمعي والمحشود والمنسق والمسيطر عليه.. ونتائجه في العروض السابقة على المستوى الاقتصادي والصحي والمستويات الأخرى الاجتماعي.. الجهد المنسق واضح جدًا خلال السنة دي".
وواصل السيسي، أنه لا بد من توجيه الشكر لكل المساهمين في العمل التنموي الأهلي، معقبًا: "لازم نشكر كل المساهمين من فضلكم.. سواء من مصر أو خارج مصر.. نوجه لهم التحية ونشكرهم لأن الكلام بيتم من خلال دعم كل إنسان عنده القدرة ومن جوه الخير من خلال القدرة اللى عنده أن المساعدة تصل للناس.. وبالأرقام اللى اتقالت سواء 10 مليارات .. دي أموال متبرعين.. ربنا سبحانه وتعالى يوجه لكم الخير ومحتاجين زيادة".