رهف الشامي تشعل السوشيال ميديا بعد خطبتها على طليق صديقتها (تفاصيل)

 أثارت البلوجر الشهيرة رهف الشامي الجدل عبر مواقع التواصل الاجتماعي، خلال الساعات القليلة الماضية، عقب إعلان خطبتها على طليق صديقتها سامح أبو الحسن، التي كانت تربطهما صداقة منذ مدة طويلة.

(اقرأ أيضًا) مريم سيف تفتح النار على زوجها وتنشر تفاصيل وسبب طلاقهما (صور)

ليتداول رواد السوشيال ميديا صورها قي حفل زفاف صديقتها معلقين عليها بأقسى العبارات التي تهاجمها وتنتقد فعلتها، وفي ظل ذلك لم تهتم الشامي وأكملت نشر تحضيرات واحتفالات خطبتها على خاصية الإستوري على صفحتها الرسميةعلى موقع تبادل الصور والفيديوهات الأشهر إنستجرم.

وازداد الهجوم بعد أن نشرت رهف صور من خطوبتها وأغلقت خاصية التعليقات وعلقت عليها قائلة:" .٢٢/١٢/٢٠٢٢.. من اول حديث دار بينا ادركت انى لن انجو منك ابدا .. حبيب قلب قلبى".

 لينشر بعدها خطيبها سامح أبو الحسن منشورًا أيضًا مغلق التعليقات بصور من خطوبتهم معلقًا عليها: "رهف يا أغلى الناس.. ما حصلش فى حياتى قبلك حاجة تتحكى إنتى أول حكاية حصلت تستاهل إنى أكتبها وأحكيها هتفضلى الأولى والوحيدة والأخيرة فى قلبى وفى عينى وفى حياتى كلها".

وأضاف: "10 سنين من أول ما شوفتك وكان نفسى ربنا يجمعنى بيكى وتبقى نصيبى كنتى السبب انى لأول مرة افكر فى الجواز والاستقرار والبيت عشان ابقى معاكى انتى، انتى أول بنت قلبى حبها بجد، من بعدك اختارت غلط وتعبت وتوهت بس ربنا خلانى اتعلم واشوف واجرب عشان اعرف قيمتك وأتأكد انى كنت غلط لما فرطت فيكى من الاول واتأكد ان كل اللى بعدك كانوا غلط وملهومش قيمة ومش هسمح انه يحصل تانى انا مصدقت انك بقيتى ليا".

وتابع: "دخل حياتى ناس قبلك كتير.. المواقف كانت زى مصفى بتصفى الناس اللى كان معرفتها من الاول غلطة .. كل يوم بيعدى وكل موقف بيحصل بيثبتلى انى مكنتش غلطان لما اختارتك.. اختارت الآصالة و الجدعنة والطيبة البت اللى ب 100 راجل الظهر و السند ف عز نداله و خسه اقرب الناس .. #انتى_هدية_ربنا_ليا".

رد سلمى جميل صديقة البلوجر:

 نشرت طليقة خطيبها "سلمى" عبر خاصية الإستوري على حسابها بإنستجرام قائلة: "ردًا على  كل المسجات اللي جاتلي ده جزء من الحكاية بس التفاصيل كتير أوي أوي مش هتنفع تتحكي احترامًا لابني اللي ابوه مسح صوره من عنده".

وأضافت: "حسبنا الله ونعم الوكيل في كل خاين كداب غدار لا بيصون عشرة ولا عيش وملح ولا طفل ملوش ذنب في الحياة غير انك ابوه .. انا اسفة يا عمر معرفتش اختارلك أب بس أنا أمك وابوك يا قلب أمك".

تعليق رهف الشامي على الهجوم عليها:

وخرجت رهف الشامي عن صمتها وردت على كل من اتهمها بخيانة صديقاتها قائلة: "الحقيقة إن أنا وسامح كنا قرينا فاتحتنا واتخطبنا من 10 سنين لما أبويا الله يرحمه كان عايش، شافني وحبني واتقدملي من 10 سنين، بس الشيطان لما بيتجسد في صوره إنسانه وبيتفنن في التوقيع بين البشر عشان عينها منه وكانت جارته وأخت صاحبه (مش صاحبتي أنا نهائي لأني مش بصاحب أشكال مريضه ولو في أي إثبات أنها صاحبتي أنا تواجهني بي) ".

وأضافت: "كان نفسها يبصلها بس، فضلت ورانا بكل الطرق عشان توقع بينا واحنا كنا صغيرين ومش فاهمين حاجه أنا كنت 18 سنة وفعلا حصل وسبنا بعض وبابا رجعله الشبكه كمان، بعدها سبحان الله الأستاذه اتخطبتلو طب مش هو ال ده كان وحش؟.. المهم أنا بعدت عنه نهائي لمده سنة و نص أو سنتين، واتكلمنا أنا وهو لما اتعزمت عالفرح فقط".

وتابعت: "كان وقتها أول مره في حياتي أشوف الاستاذه و هي

جريت عليا أنا مش مصدقه ان رهف الشامي موجوده في فرحي أنا بحبك أوى ومتابعاكى دايما، وكل أصحابي وقرایبي بيحبوكي".

وعن سبب حضورها الفرح قالت: "أنا روحت الفرح عشان أكسر جوايا أي مشاعر ناحيته تماما، والصوره اللي هيلاحظ هيلاقيني معيطه فيها بحضر فرح حبيبي بكل قوه عشان أقدر أقسى قلبي وأبعد وفعلا من يومها و لمده 5 سنين أنا معرفش عنه أي حاجه، وكانت الاستاذه كل فتره كل سنه مثلا تكلمنى مصلحه، مره تقولى اعملیلي إعلان لصفحتي ، مره تقولى أعملی إعلان لصفحة أخويا، مره تقولی اعمليلي شير عندك، و أنا كل علاقتي بيها النص ساعه بتاعت الفرح وكل كلامي معاها كلمتين بالعدد قد الإجابة وبس وهو بعيد تماما".

وأردفت:"کملت دنیتی عادی جدا و ربنا موفقنيش ف اختياراتي اللي فاتت مكنتش نصيبي ، لحد شهر 10 اللي فات ، هو كلمني ورجعنا لبعض بعد ما خلص موضوعه تماما و بفتره کمان ورسمی بورق و قانون (لانها شخصيه صعب العيش معاها، صعب حد يستحملها وهو كان كرهها و مش قادر يكمل في عك وقرر يسبها لأن سنين معاها في نكد وفي عذاب ومشاكل وقله أدب".

 

وتابعت: "وبعد ما اتعتبنا على السنين اللي فاتت واكتشفنا إن هي اللي وقعت بينا، وهي اللي بوظت خطوبتي وهي اللي خططت من 10 سنين عشان تهد فرحتي، اتأكدنا قد اي هي شخصیة شيطانة ومريضة و کدا به و عندها قدره رهيبة على العياط والتمثيل ده غير كمان سمعتها في شغلها المدرسة اللي بتشتغل فيها وجروب اولياء الطلبة اللي كل يوم يشتكوا منها أنها بتزعق للاولاد و كل يوم حد يروح المدرسه يتخانق معاها لانها بتعامل الأطفال بعنف وزعيق وبطريقه غير آدميه واتقدم فيها 5 شكاوى انها مينفعش تبقى مدرسه اصلا، واترفدت من مدرسة قبل دى لأن اتعمل فيها محضر لما ضربت طفل عندها في الفصل".

وختمت دفاعها قائلة: "طب عارفين مرة اتخانقوا وقامت تزعق وتكسر في البيت وهي متجننة وبتكسر ضربت ابنها بفازة في دماغه و اتفتحت وطلعوا على المستشفى لانه أضرب في دماغه !، جنان رسمی یعنی طب بذمتكم دى واحدة بتعمل كده مع أطفال وفي شغلها وفي أكل عيشها، و عملت حوارات نس……ن من 10 سنين و وقعت بين اتنين مخطوبين، هل صعب عليها تعمل ده تاني ؟؟".