نصائح ياسمين عز.. جوزك مش شجره زرعاها في بيتك لوحدك
![الإعلامية ياسمين](/themes/alwafd/assets/images/no.jpg)
تُثير الإعلامية ياسمين عز الجدل على مواقع التواصل الاجتماعي بين الحين والآخر بسبب تصريحاتها عن الرجل المصري، وفي آخر حلقات برنامجها المذاع على قناة MBC مصر وجهت عدة نصائح للزوجة المصرية لتستطيع كسب رضا زوجها وحماتها.
اقرأ أيضًا.. ياسمين عز تطالب السيدات بتجنب معرفة ثروة الأزواج.. أنتم هتورثوه بالحيا (فيديو)
وعن آخر تصريحاتها "جوزك مش شجرة زرعاها في البيت بتاعتك لوحدك، جوزك بتاعك وبتاع أهله وأمه وإخواته، لازم تتقبلي ده".
وأضافت "هي ليه الستات بتقعد تستقصى وتتقصى وراء زوجها، لحد ما تعرف هو معاه فلوس أد ايه، الرقم ده هيفيدك في ايه".
وأيضًا "لا تسأليه بتدي أهلك وأخواتك كام، يديهم اللي هو عايزه، ماله وهو حر فيه، لا تقارني نفسك أبدًا بأهله وأمه وأخواته، هما كبروه وربوه وصرفوا عليه لحد ما اتجوز".
وأردفت " انتي اللي ليكي أنه يكون معيشك في حياه كويسة، وطالما الراجل مكفيكي وبيتك مش ناقصه حاجة ومش بخيل عليكي، يهمك في ايه هو عنده كام في البنك، انتي هتورثيه بالحيا".
وقالت "ادي للراجل نفسه وسيبيه يهتم باهله، لأن نفسية الرجل تتحسن لو أهله كويسين وهينعكس على حياتك بالإيجاب".
عروس الاسماعليه
وأثارت الجدل أيضًا في واقعة عروس الاسماعيلية الذي قام زوجها بضربها في الشارع وهي بفستان الزفاف قائلة " بنت ناس وأصيلة ولمت دنيتها، ودارت على شمعتها واحتوت الموقف وجوزها ورجلها، ومش معقول هتبوظ
ومن أبرز تصريحاتها المثيرة للجدل سابقًا
- الراجل من حقه يمسك تليفون مراته زي ما هو عايز وهي مش حقها.
- لماذا تغضبين عندما ينظر زوجك لـ امرأة أخرى، وأنت تعامليه بشكل عنيف وترفعي صوتك وتجعليه يشعر بأن يتحدث مع رجل مثله.
- بتقولي راجل عينه زايغة ليه طالما انتي ضاربة بوز.
- بتزعقي لجوزك ليه عشان بيدوس على سجادة الصالون بجزمته، ما هو جايبها بفلوسه.
- لو اهتميتي بزوجك زي غسيل السجاد مش هيبص لغيرك.
- فين أيام ما كانت الست بتدلع جوزها وتديه أكبر حته من الفرخة.
- أول ما تتجوزي حطي كرامتك في الدرج.
- إدي لحماتك مفتاح شقتك وسبيها تفتش دولابك.
- الست اللي بتقول لجوزها حاضر ونعم دي ملكة مش خدامة.. مصطلح الجارية ده هناك في مسلسل حريم السلطان مش عندنا.
لمتابعة المزيد من الأخبار تابع alwafd.news