عفاف شعيب عن سر أناقتها: ربنا بيحب يشوف نعمه فبصرف واتشيك

حلت الفنانة عفاف شعيب اليوم الخميس ضيفة على الإعلامية ياسمين عز ببرنامج " كلام الناس" والمذاع عبر قناة " إم بي سي مصر"، وكشفت شعيب خلال الحلقة عن العديد من أمور حياتها التي يجهلها الكثيرون .

(أقرأ أيضًا) عفاف شعيب تخرج عن صمتها بعد أنباء وفاتها

وعن أناقتها واحتشامها وجهت ياسمين عز لها سؤال قائلة:" امبارح شوفنا الشياكة والحلاوة والنهاردة كمان الشياكة والأناقة ، معروف عنك أناقتك وده بيكون صعب على الست المحجبة

 

لأنه لما المحجبة بتنزل تشتري لبس بيكونوا مظلومين عشان مش دايمًا الموديلات بتناسبهم ، قد ايه بتعملي مجهود وبتجيبي لبسك منين؟".

فأجابت شعيب:عشان أنا كنت بسافر كتير فلبسي كله بجيبه من برا وبعدين دلوقتي مفيش استراد فالواحد في حوسة بالذات عشان مبلاقيش الذوق اللي يعجبني، وكان فيه محل

بجيب منه لبسي من زمان كان بيبع المستورد كله لكن دلوقتي قفل".

وأضافت :" مش عشان ابقى محجبة يبقى شكلي غريب لازم دايما يكون فيه حاجة حلوة لازم المحجبة تهتم بنفسها وبلبسها وأناقتها مش تبقى ماشية مبهدلة".

وأوضحت عند سؤالها عن المبالغ التي تنفقها من أجل أناقتها قالت أن الله يحب أن يرى نعمه " ربنا بيحب يشوف نعمه" ، اللي في ايدي مش ليا طول ما معايا اصرف والبس واتشيك ، مش بحب أشيل بقى في بنوك وأحوش ".