لارا إسكندر تكشف كواليس مشاركتها في "كيرة والجن".. مش مصدقة

قالت المطربة والممثلة لارا إسكندر:"حتى الأن مش مصدقة إني شاركت في فيلم "كيرة والجن".

 

اقرأ ايضاً .. عمرو دياب "وزير السعادة" في صيف 2022.. إيه الحكاية

 

وأضافت خلال مداخلة هاتفية لبرنامج "بحب السيما" الذي يذاع علي ميجا اف ام:" لما كلموني عشان أعمل تجربة أداء أمام مروان حامد، قولت ما ينفعش حد يقول لأ للعمل ده، وبعتبر نفسي محظوظة جدا إني قدمت الدور ده.

 

فيلم "كيرة والجن" جاني قبل مسلسل "الثمانية"، والغريبة إني عرفت وقتها إني "حامل"، والفريق كله اتخض، لكن بعدها بأسبوع ظهرت جائحة كورونا، وتوقف فيها الشغل وربنا ستر وعدت على خير، بعدها بفترة جاني المسلسل.

 

تعلمت من كل فريق العمل، وسعيدة إني مثلت مع أكبر وأهم نجوم في مصر، وأكبر مخرج وكاتب، وكنت محظوظة إني اشتغلت معاهم لأنهم فعلا ناس محترفة، بخلاف

إنهم رائعين في التعامل.

 

لما شوفت فيلم "كيرة والجن" في العرض الخاص، كنت متأثرة جدا وكنت بعيط مع الناس، صحيح أنا عارفة السيناريو، ولكن هنا براعة مروان حامد إنه خلاني بشوف الفيلم زي المشاهد بالظبط.

 

واختتمت قائلة الاجابة علي سؤال هكمل تمثيل أو لأ، أنا مؤمنة بالفن ككل، وحبيت التمثيل جدا، صحيح كان صعب أنفذ المسلسل والفيلم سوا، ولسه مش عارفة اللي جاي فيه إيه، لكن أنا مؤمنة إن كل حاجة في وقتها، ومبسوطة برد الفعل عن دوري في الفيلم والمسلسل.