رحمة حسن تقلق جمهورها بعد عضة الكلب (تفاصيل)

 شاركت الفنانة رحمة حسن متابعيها مستجدات حالاتها الصحية والنفسية عبر حسابها الشخصي بموقع تبادل الصور والفيديوهات إنستجرام، بعد أن عضها كلب بجوار منزلها ونقلها للمستشفى لتلقي العلاج.

 

(اقرأ أيضًا) ماذا حدث لرحمة حسن بعد عضة الكلب |تفاصيل 

وكتبت رحمة في منشور جديد لها عبر إنستجرام: "أنا حقيقي تعبانة ومتأزمة جدًا.. و كوابيس ومش عارفة حتي اقرب من القطة بتاعتي وألعب معاها لأني خايفة عليها لحد ما أخلص العلاج.. النهاردة اخدت الجرعة التانية ولسه هكمل طبعًا ده غير وجع الجرح حقيقي".

 

وتابعت رحمة: "اللي عوزة أقوله إن فعلًا لو بعد شهر ما حصلش حاجه تخص الكلب وعلاجه وتغير سلوكة وعدم نزوله بدون كمامة أنا هروح أخد موقف قانوني لأني فعلًا تعبانة جسديًا و نفسيًا جدًا جدًا، وخايفة جدًا يحصل ده لحد تاني وأكون أنا السبب إني ماخدتش موقف".

 

وكتبت رحمة في منشورات مسبقة أن عضها كلب بجوار المنزل موضحة: "أنا كنت بشوف الكلب ده دائمًا مع صاحبته بتمشي بيه في الشارع

جمب البيت عندي، وعشان شكله شرس كنت بامشي بعيد عنه لما بشوفه، امبارح صاحبت الكلب قالتلي متخافيش هو عض ولادي قبل كدا وتمام محصلش حاجة! طبعا أنا اتصدمت لما عرفت أنها مَش أول مرة الكلب يعض حد ومع ذلك هي سايباه عادي في الشارع من غير كمامة أو حد قوي يمسكه .. بجد حرام عليكم، الكلب لما بيكون حجمه كبير وشرس بيعتبر سلاح، وصاحبه مسؤل مسؤليه كامله عنه ويحاسب على إهمال مسؤوليته، خصوصًا لو إهماله تسبب لشخص تاني في اذي بدني يحتاج اكتر من ٢١ يوم علاج واذي نفسي ماعرفش هايحتاج قد ايه عشان يخف ".