قالتلي انت مكسوف تكلمني.. هاني مهنا يكشف كواليس لقاءه الأول بـ أم كلثوم

حرص الموسيقار هاني مهنا على استعادة ذكريات معرفته بالفنانة القديرة أم كلثوم، مشيرًا إلى أن بداية التعارف بينهما كانت صدفة، ثم استمرت بعدها علاقتهما.

 

اقرأ أيضًا

بعد نجاح الكيميا بينهم في رمضان.. آسر وريم يحققان المعادلة الناجحة في "الثمانية"

 

حيث قال مهنا خلال لقائه في أحد البرامج التلفزيونية: "التعاون مع أم كلثوم كان مصادفة لأنها ليست سيدة اجتماعية ومش بتخرج أوي إلا أنها بتشوف تليفزيون كويس، وإحنا اتقابلنا مصادفة كان فيه حفلة عند السيدة الأولى زوجة أمير الكويت وكانت عاملاها على شرف أم كلثوم وبعدين قالتلها بتحبي مين قالتلها فايزة فجابتلها فايزة".

 

وأضاف: "كان بيني وبين أم كلثوم مترين كانت لابسة النضارة وماسكة المنديل وحاطة رجل على رجل، فأنا بغني مع فايزة فهي بصت، فايزة راحت سلمت عليها ولكن أنا اتكسفت لقيتها بتبصلي وتشاورلي تعالى، قالتلي أنت مكسوف تسلم عليا قولتلها محبتش أزعجك قالتلي لا

ازاي انت أحسنت جدا جدا ومتعتني بعزفك".

 

كما تحدث عن أول لقاء بينه وبين الفنانة أم كلثوم قائلًا: "وعدت الأيام وبعد 15 يوم هي اللي كلمتني في البيت شخصيًا، لأن طقوس الفنانين الكبار زي أم كلثوم وعبد الوهاب وعبد الحليم لما كانوا يعوزوا يكلموا حد كانوا بيكلموه شخصيًا مش يستنوا مدير أعمال، وقالت لي عندك مانع في شغل قولتلها ليا الشرف طبعًا قالتلي أنا قولت للأستاذ عبدالوهاب هيكلمك بعد نص ساعة وعندنا بكرة الساعة 11 في 35 في التليفزيون بروفة، وكانت ليلة حب وكان أول لقاء بينا واستمر بعدها».