مفيدة شيحة لعروس كفر الدوار: كفاية بقى زهقنا من التريند وهوس الشهرة
استنكرت الإعلامية مفيدة شيحة، واقعة عروس كفر الدوار في كتب الكتاب، قائلة: "مش هو ده الوقت خالص، وهل أنتِ بس اللي حافظة الحديث الشريف".
اقرأ أيضًا.. فيديو.. عروس كفر الدوار لعريسها: أنت سيد الرجالة ولا تسمع كلام أحد
ووجهت مفيدة شيحة، في برنامجها الستات، المذاع عبر قناة النهار وان، مساء اليوم الأربعاء، حديثها لعروس كفر الدوار، قائلة :"أنتِ تبحثين عن الترند، واحنا زهقنا وقرفنا، وإيه وليه كده"، مضيفة: "العروس بتقول واحدة صاحبتها نشرت الفيديو، ودلوقتي بتقولي كده، وزهقت مع احترامي لحضرتك بس كده كتير، وكفايا بقى زهقنا".
وتابعت مقدمة برنامج الستات: "مرض الشهرة أصبح شيئًا موجودًا بقوة بين كل الناس خلال الفترة الأخيرة، وخصوصًا بعد أن أصبح لدينا وسيلة تجعلنا مشاهير وهي السوشيال ميديا".
من جانب آخر خصصت الإعلامية مفيدة شيحة، في برنامجها فقرة حملت عنوان "بنكمل في علاقة مؤذية..
وخلال الفقرة، قالت مفيدة شيحة، إن :"من كل جلسات محاكمة جوني ديب وآمبر هيرد، الناس على مواقع التواصل، تداولت نص لإجابة جوني على سؤال القاضي لما قاله: إيه اللي خلاك تكمل في علاقة مؤذية؟.
وأضافت مفيدة شيحة: "أجاب ببعض الإجابات كدا خلت ناس كتير تتوقف عندها زي؛ أعتقد عشان بابا مسابش ماما وعمره ما مشي"، و"كنت متخيل أني هقدر أساعدها تبقى أحسن"، لكن اللي الناس وقفت عنده أكتر كانت جملة "مكنتش عايز أفشل".