(فيديو) متى الإعلان عن سيناء خالية من الإرهاب؟.. السيسي يجيب

كشف الرئيس عبد الفتاح السيسي،  سبب عدم إعلان سيناء خالية من الإرهاب، مضيفًا: "الجيش دفع 84 مليار جنيه، خلال السنوات الماضية لمواجهة الإرهاب، ده رقم كان لازم ندفعه دي تكاليف الصراع معاهم، خلاص الموضوع خلص".

اقرأ أيضًا.. فيديو.. السيسي: الأزمات والخراب والدمار وأثارهم لا يسقطون بالتقادم

وأضاف السيسي، خلال كلمته بحفل إفطار الأسرة المصرية، اليوم الثلاثاء: "لما نخلص إزالة العبوات الناسفة والمتفجرات اللي حطوها في حتت كتير في رفع والشيخ زويد والعريش نقدر ساعتها نعلن تطهير أو إنتهاء الإرهاب في سيناء".

وأوضح أن مصر دفعت ثمن غال جدًا حتى تصل إلى ما هي عليه حاليًا، مضيفًا: "الوضع اللي إحنا فيه ده فيه طريق مملوء بدماء وتضحيات ناس كتير وأسر"، لافتًا إلى أنه يوجد 3277 شهيد وأكثر من 12 ألف مصاب منذ عام 2013، متابعًا: "الشهداء دفعوا أرواحهم علشان البلد دي تعيش".

وذكر إن الهدف من مسلسل "الاختيار 3" التسجيل بأمانة وشرف وصدق ماحدث، متابعًا: "كل كلمة اتقالت في الوقت ده مع الناس الكبار في المسلسل هو ده اللي حصل".

واستكمل: "في حد يقولي يعني معقول إن حد مختلف مع حد في أفكاره يساعده؟، طب يتآمر؟ ميتآمرش ليه، لا والله أبدًا وسبب

النجاح والتغيير إن مكانش في خيانة أو تآمر ولا عدم إخلاص، لأن الإخلاص كان لله وللوطن اللي ميتحملش أكتر من كدة".

وتابع: "لما كنت بقف مع الرئيس مرسي الله يرحمه، أنا كنت بقف مع مصر، لو آتامرت عليه، يبقى أنا تآمرت على مصر وعلى البلد وعلى 100 مليون".

وأوضح القوات المسلحة أنفقت مليار جنيه شهريًا لمدة 84 شهرًا لمحاربة الإرهاب، مضيفًا: "متكلمناش في الموضوع ده قبل كدة، وهو مش كشف حساب لكن محاولة لإلقاء الضوء على واقعنا".

وتابع: "البعض بدون ما يقصد بيقول حاجات وهو لا يدرك حقيقة الواقع، القوات المسلحة دفعت المبلغ ده علشان الإرهاب، وده بسبب إننا فتحنا الباب في 2011 و2012 لحالة من عدم الاستقرار، أسفرت عن انتخابات غير مستقرة جابت قوى غير جاهزة لقيادة دولة".