(فيديو) كان يتحدث مع الرسول.. آخر كلمات نطق بها الشيخ الشعراوي قبل وفاته

كشف الفنان القدير حسن يوسف لأول مرة تفاصيل اللحظات الأخيرة في حياة الشيخ محمد متولي الشعراوي رحمة الله عليه، وذلك خلال لقائه التليفزيوني مع الإعلامية ياسمين عز ببرنامج "كلام الناس" المذاع عبر قناة MBC مصر الفضائية.

 

اقرأ أيضاً..

سر علاقة شادية بالشيخ الشعراوي وأخفتها عن الجميع| حقيقة زواجهما (تفاصيل)

 

اللحظات الأخيرة في حياة الشيخ الشعراوي قبل وفاته

وقال حسن يوسف: "أنا كنت هتجنن عايز اعرف هو الشيخ الشعراوي توفاه الله ازاي، وقعدت مع "أحمد" ابنه التاني وزوج بنته وقالولي كنا قاعدين حواليه وقالنا اخرجوا وسيبوني مع الناس اللي معاهم، فخرجنا وسمعناه بيكلم السيدة عائشة والسيدة نفيسة والسيدة زينب لغاية لما قال حتى أنت يا رسول الله وتوفاه الله".

 

 

الشيخ الشعراوي قبل لحظات من وفاته: حتى أنت يا رسول الله

وتابع: "أنا طبعاً خدت اللي قالوه بحذافيره وحطيته في المشهد بس طبعاً جسمك يقشعر لما تسمعي مات ازاي لما قالوهم سيبوني مع اللي معايا ف بيقولوله معاك مين انت مش معاك حد بعدين سابوه و رجعوا فتحوا الباب عليه لقوه توفاه الله والروح أسلمت لله".

 

 

عمر الشريف: الشيخ الشعراوي أحسن ممثل في العالم

وفي سياق متصل، تحدث حسن يوسف عن مقولة عمر الشريف بأنه حريص دائماً

على الاستماع للشيخ الشعراوي، بالرغم من أنه كان يعيش أغلب الوقت خارج البلاد مع الأجانب.

 

 

وأضاف: "لما سألوه مين أحسن ممثل اشتغلت معاه، قالهم أحسن ممثل في العالم الشيخ الشعراوي، وقال أن دة راجل بيدي الحرف حقه والكامة حقها، ويخلي كلامه يدخل القلب والعقل"، متابعاً: "الله يرحمه اتعلمنا منه كتير اوي".

 

 

حسن يوسف يكشف أهم نصيحة للشيخ الشعراوي أثرت فيه

وعن أكثر نصيحة للشيخ الشعراوي أثرت في الفنان حسن يوسف قال: "لما قالي فيه ساعات وانت ماشي كده تلاقي ست فارشة فرشتها وحاطة عليها شوية جرجير وتسألها بكام يا ست الحزمة تقولك ب 10 ساغ اوعى تقولها خليها ب 9 لأ دي غلبانة وشقيانة تقولك 10 اديها 11 اوعى تفاصل مع الغلابة".

 

 

لمزيد من أخبار الفن على بوابة الوفد اضغط هنــــــــــــــــــــــــــا