(فيديو) مبيصرفش على ابنه.. عمرو زكي يرد على هجوم طليقته: كنتِ فين من 11 سنة
رد عمرو زكي، لاعب الزمالك والمنتخب الوطني السابق، على هجوم طليقته بعدما قالت إنه لم يصرف على ابنه وطردها من المنزل.
(اقرأ أيضًا).. برنامج العرافة: عمرو زكي عن إدمانه المخدرات: "كنت بتعاطي وربنا تاب عليا".. شاهد
وقال "زكي" خلال حواره مع برنامج "سابع سما" المذاع على قناة "المحور" اليوم الخميس: "اللي هاجمتني طليقتي الثانية أم يوسف، وأنا اتفاجئت بهجومها، الولد عمره 11 سنة، يعني جاية بعد 11 سنة تقول إن أنا مبصرفش على أبني، طب كنت فين الفترة اللي فاتت".
وأوضح أن طليقته اختارت القانون لتسوية خلافهما، مضيفًا: "لو أنا مدفعتش هيكون عقوبات عليا، وواللي هي بتعمله ده مش حاجة كويسة ومش هستفيد منه بأي شيء".
وأكد أن أبناءه من زوجته الأولى يعيشون معه في المنزل ولا يوجد خلافات نهائيًا، متابعًا: "أنا بشكرها رغم هجومها على تربيتها ليوسف وخليته راجل، وهو بيحبني جدًا
وكشف حقيقة ارتباطه بالفنانة منة فضالي، قائلًا: "منة من الناس اللي بحبها ومن أوائل الناس اللي عرفتها في القاهرة"، مضيفًا: "منة دايمًا مرتبط اسمها معايا إننا في علاقة زواج ولكن ده كلام ملوش أي صحة خالص، إحنا طول عمرنا إخوات".
وأوضح أنه غضب من نشر منة فضالي للصورة على مواقع التواصل الاجتماعي، مضيفًا: "الصورة دي كانت في عيد ميلادها".
وتابع: "أنا حياتي في النور، ومش بعمل حاجة غلط علشان أعيش في الضلمة"، مضيفًا: "أنا عارف أن كل مصر بتحبني والأهلاوية قبل الزملكاوية ومليش أي صورة وحشة".