سمية الخشاب عن منتقدي "أصحاب ولا أعز": مثيرين للشفقة

دعمت الفنانة سمية الخشاب فيلم "أصحاب ولا أعز"، وذلك عبر حسابها الرسمي على موقع التغريدات القصير "تويتر".

اقرأ أيضًا.. بعد الهجوم على "أصحاب ولا أعز".. عبير صبري : مني زكي ممثله عظيمه والفيلم مهم

 

وكتبت "سمية" في تغريدة عبر حسابها قائلة: "المشكلة أنه علي نت فليكس كل الأفلام الأجنبية كدة وبتبقي علي قلبكم زي العسل وبتتفرجوا عليها وبتدفعوا اشتراك كمان ومحدش بيتكلم.. بيتهيألي كفاية ازدواجية".

وتابعت: "موجة الهجوم والكراهية اللي شايفاها فكرتني بموجة الهجوم علي حين ميسرة والانتقادات اللاذعة وقتها، بس المفروض مع الوقت يبقي في ادراك ووعي وتقبل للآخر أكتر والأحكام تقل بس اتضح أنه العكس".

 

وأضافت : "الفن هو مراية المجتمع، بيعكس المجتمع بكل عناصره وفئاته، الفن

بيسلط الضوء علي القضايا الموجودة اللي إحنا عاملين نفسنا مش شايفينها وبنتجاهلها، تقبل الغير من اهم عوامل التقدم في اي مجتمع، مش المفروض ندفن راسنا في الرمل زي النعام عشان احنا المفروض بنتقدم مش بنتاخر".

 

واختتمت حديثها قائلة : "ارفض الحريه من غير ما تقل ادبك او تشتم او ترد بطريقه وقحه، عشان كده مش عايزه اشوف تعليقات عشان شايفه من امبارح تعليقات ممكن بس تتقال في "مستنقع.. مثيرين للشفقه".