أنغام ومحمد محي ورامي صبري في أسبوع واحد..تفاصيل

الإثنين 22/نوفمبر/2021 - 08:20 م

شهدت بداية الموسم الشتوي الغنائي لعام 2021، عدة إصدارات غنائية خلال أسبوعٍ واحد لأبرز نجوم الغناء في مصر، الذين اتبعوا نظام الأغاني المنفردة عبر موقع الفيديوهات الشهير "يوتيوب".

تفاصيل أغنية أنغام الجديدة "هتشتاقوا"

بدايةً من الفنانة أنغام التي طرحت أغنيتها الجديدة "هتشتاقوا"، وحققت أكثر من 640 ألف مشاهدة خلال أسبوع من طرحها، كلمات عمرو يحيى، ألحان: مصطفى العسال، توزيع: عمرو الخضري، وتقول كلماتها:"هتشتاقوا لحضننا لما هتلاقوا مفيش غيرنا اللي ريحكوا .. مفيش غيركوا اللي جرحنا وفرحناكوا وما فرحنا وحقنا جاي مطرحنا وهتجونا بتشتاقوا هتشتاقوا لحبنا لما هتلاقوا مفيش غيرنا اللي فهموكوا في صبرنا مين بيستحمل واجهنا وقولنا هنكمل وكل حبيب بيستعمل في وقت الرد أخلاقه ناسينكوا وناسيين اللي كان وياكوا وفاكرين اللي كان منكوا ناسيينكوا وسايبين الزمان هو يفهمكوا يعلمكوا ولما تجونا هنقفل حساب مفتوح وهنخلص قديم وجديد كمان منكوا هتحتاروا وحبكوا قل مقداره خسارة شوقنا كان غالي عشان مانكونش ظالمنكوا هتيجوا تشوفوا ده بعينكوا ويبقى ربنا يعينكوا ده كل فراق ليه أسراره هتحتاروا تعيشوا الليل وأفكاره وتسهروا زينا ليالي وهتحسوا اللي بنحسوا وعمركوا راح يضيع نصه وبتحاولوا ياعيني تنسوا ولو شوفتونا تداروا".

تفاصيل أغنية محمد محي الجديدة "يالالي"

تلاها الفنان محمد محي بأغنيته الجديدة "يالالي"، التي حققت أكثر من الأغنية من كلمات أمير طعيمة، ألحان محمد النادي، توزيع فهد، تقول كلماتها: "اللي مخليني في ويلي... واللي مسهرني في ليلي. أنا بشكي ليه من اللي في قلبي ...وقلبي منه بيشكيلي . من قد إيه وهواه علي بالي من قد إيه وأنا بستناه كان مالي بيه ما أنا كنت في حالي يشغلني ليه بليالي هواه يا لالي يالالي لا مال ولا قالي يا ما حصلي ياليالي بقول وبغني ويبعد عني ويهرب مني وينساني اللي مخليني في ويلي واللي مسهرني في ليلي أنا بشكي ليه من اللي في قلبي وقلبي منه بيشكيلي. لا مني جنبه ولا بسيبه وبيقسي علي قلب حبيبه كل أما أقوله إنه شاغلني يتقل عليا وده عيبة. علي الحال دة فاتوا أيام وليالي واللي نبات فيه بنصبح فيه وإزاي عذابي معاه بيحلالي وكل دة ولا حاسس بيه يالالي يالالي

لا مال ولا قالي ياما حصلي يا ليالي. بقول وبغني ويبعد عني ويهرب مني وينساني. اللي مخليني في ويلي واللي مسهرني في ليلي أنا بشكي ليه من اللي في قلبي وقلبي منه بيشكيلي".

تفاصيل أغنية رامي صبري الجديدة "هموت من غيرها"

وختامًا بالفنان رامي صبري، بأغنيته الجديدة "هموت من غيرها"، وتصدرت المركز الأول على قائمة الأكثر مشاهدة عبر "يوتيوب ميوزك"، من كلمات :أحمد المالكي، أحلان:شريف بدر، توزيع: أسامة الهندي، وتقول كلماتها:"أوقات الحاجة اللي في ايدنا.. اللي احنا عليها اتعودنا بنقول إنها مضمونة وباقية ومش هتروح وانا دايما كنت بعيد عنها قال إية فاكر نفسي ضامنها مش عارف إني سايبها كتير قلبها مجروح وانا بغلط كانت بتحذرني تقولي بلاش هيجيلك يوم فعلا تخسرني مبسمعهاش ونسيتها وعمري ماكنت بحافظ على مشاعرها والقلب القاسي أهو خسرها وهموت من غيرها... هموت من غيرها. أنا عايش تاية في الدنيا عمرها ماسبتني ولو ثانية وحشاني بجد ونفسي أشوفها وخايف أقول ودي مش عايزاني في دنيتها من كتر القسوة اللي شافتها أهي راحت مني وبعدت عني وانا المسئول وانا بغلط كانت بتحذرني تقولي بلاش هيجيلك يوم فعلا تخسرني مبسمعهاش ونسيتها وعمري ماكنت بحافظ على مشاعرها والقلب القاسي أهو خسرها وهموت من غيرها... هموت من غيرها".