شاهد.. محمد محمود عبدالعزيز يوجه رسالة لـ أصدقائه وأقاربه
وجه الفنان محمد محمود عبدالعزيز، رسالة شكر لأصدقائه وأقاربه، الذين شاركوه الاحتفال بخطبته في يوم عيد ميلاده، مساء أمس الأربعاء.
اقرأ أيضًا .. محمد محمود عبدالعزيز في حفل زفاف ياسر الحريري
وكتب "محمد" عبر حسابه الرسمي على موقع تبادل الصور والفيديوهات "إنستجرام": "مش عارف أقول إيه والله بجد فرحتونى جدا جدا بوجودكم معايا وحواليا، يا رب دايمًا متجمعين على الخير كله إن شاء الله".
وأضاف:" مش عارف أشكركم إزاى أو أقول أيه لكل واحد فيكم قطع إجازته أو جالى من مكان بعيد أو سهر معايا وهو عنده شغل تانى يوم الصبح بدرى ".
وتابع:" شكرا شكرا شكرا من كل قلبى والله العظيم، ربنا يخليكوا ليا و مش قادر ماشكرش سارة صاحبة الفكرة و التجميعة الحلوة أوي دى اللي بجد عرفت تفرحنى بوجودها فى حياتى وجودكم معايا، شكرا شكرا شكرا شكرا (اسألكم الفاتحة والدعاء لأبويا و لكل من رحلوا عنا)".
وكان قد نشر الفنان محمد محمود عبدالعزيز، مقطع فيديو من حفل عيد ميلاده الذي فاجئ فيه خطيبته أمس، عبر حسابه الرسمي بموقع "إنستجرام".
وفي أول تعليق لمحمد، قال: "خطيبتي عملتلي مفاجأة عشان عيد ميلادي وبرغم إننا متفقين من أول يوم إننا مش هانفاجئ بعض بأي حاجه بس هي كانت عايزه تفرحني بأي
وأضاف:" المهم بقا إن أنا من يومين حسيت إحساس قرب إلى اليقين إنها بتحضر لحاجة وقررت جوايا إن لو طلع إحساسي صح أنا كمان لازم أعملها مفاجئة، وفي نفس اليوم، وده كان ردي على المفاجأة".
ومن ناحية أخرى، شارك محمد محمود عبدالعزيز في مسلسل "الاختيار2"، رمضان الماضي، وهو من تأليف هاني سرحان، إخراج بيتر ميمي، إنتاج سينرجي، ويشارك في بطولته كريم عبد العزيز، أحمد مكي، إياد نصار، إنجي المقدم، بشرى، أسماء أبو اليزيد، أحمد سعيد عبد الغني، هادي الجيار، سامح الصريطي، أحمد حلاوة وعدد من النجوم وضيوف الشرف.