(شاهد).. رنا سماحة في 12 صورة مع زوجها قبل الانفصال الغامض

الخميس 26/أغسطس/2021 - 12:21 م

الفنانة رنا سماحة تصدرت تريندات مؤشر البحث العالمي "جوجل"، وذلك عقب توجيه رسالة شديدة اللهجة لجمهورها ترفض فيها التريند على حساب حياتها الشخصية.

رسالة شديدة اللهجة من رنا سماحة لجمهورها:

كتبت "سماحة" عبر صفحتها الشخصية قائلة: عذراً أيها الـtrend، فلدي ما هو أغلى من كنوز العالم، اتعلمت في بيت أهلي أن العلاقة بين الراجل والست أمانة مينفعش تطلع بره البيت، خطيبتك مراتك طليقتك، أياً كان الأمانة، دي ولاد الأصول بس اللي بيعرفوا يصونوها وميفشوش أسرارها، ولاد الأصول بس الي مبيكذبوش ولا بيتدعوا على بعض بالباطل.

وتابعت: ولاد الأصول مبيقذفوش المحصنات (كبيرة من الكبائر)، ولاد الأصول بس اللي مبيخونوش الأمانة، ولاد الأصول بس مبيفجروش في الخصام، ولاد الأصول مش محتاجين يستعطفوا حد ولا محتاجين يدعوا المثالية بيسيبوا أخلاقهم تتكلم عنهم ومبيتكلموش هم عنها.

وقالت: "ولاد الأصول مبيلقحوش على بعض مبيجيبوش سيرة بعض غير بالخير، ولاد الأصول بيعاشروا بالمعروف وبيفارقوا بالإحسان، ومبينسوش الفضل بينهم.

واستكملت حديثها قائلة: "ده اللي ربنا أمرنا بيه، ده اللي اهالينا ربونا عليه، ده اللي الإنسانية بتقوله، أي حاجة غير كده تبقى عدم تربية، قلة دين، انعدام أخلاق، وانعدام الأخلاق ده مينفعش نزينه ونقول اوووووه

ترند.

وتابعت: في داهية الترند اللي ينسينا أخلاقنا وتربيتنا وأصولنا، الإنسان بيعيش حياته وبيمشي (رحلة) مش هيفضل منها غير سيرتك وأعمالك الطيبة وكلمتك اللي بتتصدق بيها.

وأضافت: سيبوا الخير وانتوا ماشيين عشان الناس تدعيلكم بدل ما يدعوا عليكم، اجعل من يراك يدعو لمن رباك.

وتابعت، بطلب من أي حد هيكلمني عشان يعرف أي تفاصيل تخص حياتي الخاصة يوفر على نفسه وميكلمنيش ميهمنيش السبق الصحفي ولا الشو الإعلامي ولا الأكثر بحثاً غير في شغلي فقط في الخير والفرحة وبس.

واختتمت حديثها قائلة: "عاهدت نفسي وأهلي والناس اللي بحبهم إني أكون خير قدوة، عاهدت ابني اللي عيني لسه مشافتوش إني أربيه على الأصول والاحترام والرقي، عاهدته إني أربيه يبقى (راجل) ف متستنوش مني ما يفعله الآخرون.. مش عايزه أبقى تريند".