زينب غريب عن أزمة شريف دسوقي .. اللي بيمر بيه يوجع القلب

وجهت الفنانة زينب غريب رسالة دعم للفنان شريف دسوقي بعد خضوعه لعمليه بتر في قدمه اليسرى بسبب مرض السكري.

 

وكتبت "زينب" عبر حسابها الرسمي على موقع تبادل الصور والفيديوهات الشهير "إنستجرام": "انا مش عارفة أقول إيه ولا إيه في حق الأستاذ شريف الدسوقي، دايما كان معانا محترم وخلوق لابعد حد في مسلسل بميت وش.

 

اقرأ .. بدرية طلبة تكشف تفاصيل بتر قدم الفنان شريف دسوقي

وأضافت، وعلي المستوي الشخصي كان بيتعامل بكل عطف معايا ومع الكل، ويمكن انا اللي مقصرة في حقه، ومش قادرة أستوعب مدي ضغط وقسوة مهنة التمثيل اللي أكيد بتأثر علينا كلنا بطرق مختلفة نفسياً أو صحيا أو ماديا.

 

وتابعت، بس الموقف اللي بيمر بيه الأستاذ شريف بيوجع القلب وكل آمالي إنه يكمل ولا حاجة تأثر فيه مهما حصل، بتمنى ياخد وقته في الشفا ويتخطي محنته ويقوم بالسلامة، وانا وكل الناس اللي بتحبه قلوبنا ودعمنا معاه، وعشمي في ربنا كبير انه يلهمه الإرادة والعزيمة

ويرجع يكمل مشواره ونجاحه ويضيف للسينما والدراما بموهبته المميزة.

 

وكان قد تداول عدد من رواد مواقع التواصل الإجتماعي أخبار تفيد تعرض الفنان شريف دسوقي لعملية بتر في قدمه .

 

 

وأكدت الفنانة بدرية طلبة الخبر، حيث كتبت عبر حسابها الشخصي عبر موقع التواصل الإحتماعي فيسبوك: "للناس اللى بتتصل وبتبعت رسايل علشان تطمن على الفنان شريف دسوقى (سبعبع) كان فيه جرح فى رجله الشمال وهو مريض سكر حالته ساءت جدًا وبعد الفحوصات والأشعة والتحاليل قرر الدكتور بتر الرجل من تحت الركبة.

 

كان الفنان شريف دسوقي أصيب خلال تصوير أحد الأفلام، وانتقل للعلاج بإحدى المستشفيات، قبل أن يقرر الأطباء إجراء عملية بتر لإحدى قدميه.