(فيديو) السيسي: العامل ملوش ذنب.. ومفيش إجراء إصلاحي هيجي على حسابه

 قال الرئيس عبدالفتاح السيسي إن الدولة تستهدف خلال عمليات الإصلاح في شركات قطاع الأعمال، المحافظة على حقوق العمال.

 

اقرأ أيضًا.. السيسي من مصنع كيما أسوان للأسمدة: مش عاوزين نرجع للخراب تاني

 

 أضاف السيسي، خلال كلمته في افتتاح أعمال التوسعات الجديدة والتطوير بمصنع كيما للأسمدة، اليوم الثلاثاء: "إحنا بنعمل إصلاحات اقتصادية لكن عمرها ما هتكون على حساب حقوق العمال، العامل مالوش ذنب وإحنا المسئولين، والكلام ده بقوله علشان أهل الشر ميغيروش الكلام".

 وأكد، أنه يوجد مشاكل كبيرة في إدارة شركات قطاع الأعمال، موضحًا أن جميع دول العالم وجدت أن إدارة شركات قطاع الحكومي ليست ذات كفاءة ولا تحقق النجاح المطلوب.

 وتابع: "كل زمايلنا في شركات قطاع الأعمال ممكن يختلفوا معايا ويقولوا لا إحنا بندير الشركات كويس، أقولهم بأمارة إيه؟.. بأمارة مجالس الإدارة اللي فلوسها بالكوم.. أنا لا بخاف ولا يهمني إلا البلد.. والعمر والمكان اللي أنا فيه ده بتاع ربنا وقت ما يقولي يالا هعظم وأمشي".

 وطالب الرئيس عبدالفتاح السيسي، باستبدال الدعم المقدم للفلاح، إلى دعم نقدي، من أجل تحرير سعر السلع، لمنع الفساد المحتمل في إدارة المنظومة التي تسير بها البلاد.

 وأكد أنه يجب تصويب السياسة التي كانت تسير بها الدولة خلال الـ50 عامًا مضت، متابعًا: "كلموا الناس زي ما أنا بتكلم هتلاقوا الناس معاكم".

 وتابع: "الناس عاوزة المصلحة واستحملوا معانا السبع سنين اللي فاتت، إجراءات صعبة جدًا، لأنه حس إن في محاولة للإصلاح من جانب الدولة".

 ويتفقد الرئيس السيسي مصنع اليوريا ونترات الأمونيا بمنطقة كيما بمحافظة أسوان، كما يتفقد محطة سكك حديد أسوان، حيث يشهد تدشين الوحدات المتحركة الجديدة بمختلف أنواعها من قاطرات وعربات السكك الحديدية.