شاهد.. نصيحة أسماء مصطفى للمرضى قبل وفاتها

 وجهت الإعلامية أسماء مصطفى، قبل وفاتها، نصيحة للمرضى، مطالبة إياهم بالتوجه إلى الأطباء فور ملاحظة تغير في أجسامهم، أو الشكوى من أي تعب، أو وجع، وعدم الاعتماد على المسكنات من دون استشارة الأطباء.

 

اقرأ أيضًا: فيديو.. بكاء مذيعي برنامج هذا الصباح بعد وفاة زميلتهما أسماء مصطفى

 

 قالت "مصطفى"، خلال منشور لها عبر صفحتها الرسمية بموقع التواصل "فيس بوك": "أنا بكتب الكلام ده علشان عارفة إن فى ناس كتير بحبهم وأتمنى نصيحتى توصل للكل، بالمناسبة أنا كنت زى الشاب ده، الله يرحمه، مبشتكيش كتير، كنت طول الوقت باجى على نفسى، ابتلاءات في حياتى خلتني آخر حاجة أفكر فيها أدخل مستشفى، أو أعمل أي فحص، كنت بتعامل مع المسكنات زى البنبون والمسليات، أتعب أخد مسكن وأكمل مكنتش أحب أحسس اللى حواليه بتعبى وأخدها طول وعرض لحد ما اكتشفت إن السرطان بياكل فى معدتي، وحتى بعدها كنت بدور على علاج ميخليش أعراض تظهر عليه علشان أخبى على عيلتى وأكمل شغلى وموجعش قلب حد لحد ما المرض غلبني".
 

 

أسماء مصطفى: بلاش مسكنات:

 

 وتابعت: "نصيحة لوجه الله لما تتعبوا قولوا روحوا اكشفوا واطمنوا على نفسكم بلاش العادة السيئة، أي دوا من الصيدلية ومسكنات ونكمل، أرجوكم بلاش صبرى على الألم وانى كنت باخد على حاجة على نفسى وأعصابى خلانى مروحتش اكشف غير لما لاقيت نفسى فعليًا بقع ولو كان المسكن يومها جاب نتيجة أكيد مكنتش هروح المستشفى، من رحمة ربنا إن الألم كان

أكبر من احتمالى ودلوقتى بتمنى يوم واحد بس من دون ألم".

 

واختتمت مصطفى: "طولت عليكم.. أرجوكم خلوا بالكم من صحتكم".

 

وفاة الإعلامية أسماء مصطفى:

توفت، قبل قليل، الإعلامية أسماء مصطفى، بعد صراعها مع مرض السرطان.

 

 ونشر أيمن أبو العلا، عضو مجلس النواب، منشورًا له عبر صفحته بموقع التواصل الاجتماعي، أعلن

فيه وفاة زوجته الإعلامية أسماء مصطفى، بعد صراعها مع المرض.

 وكتب أبوالعلا، "انكسر ظهرى وفطر قلبي ولن أقول إلا ما يرضي الله.. (إنا لله وإنا إليه راجعون).

 كانت أسماء أبوالعلا قالت في منشور لها: "المرض الملعون ده دمرنى، لكن هو شايفنى أحلى ست فى الدنيا، ولقيته ضهرى وسندى فى دنيتى، ربنا يحميه ويحفظه ويكفيه شر الحاسدين ويبارك فى أولادنا ويحفظهم ونقدر نعدى المحنة ونخرج بمنحة.. يا رب صبرنا على ابتلائنا".

 

مواضيع ذات صلة: 

وفاة الإعلامية أسماء مصطفى بعد صراعها مع السرطان

اليوم العالمى لمرض السرطان.. أخطر أنواعه وأعراضه وطرق الوقاية

المُذيعة أسماء مصطفى تعلن عن إجراء عملية جراحية للتخلص من ورم خبيث