عمار حمدي يثير الجدل على تويتر بعد لقطته مع رمضان صبحي

 أثار عمار حمدي الجدل على مواقع التواصل الاجتماعي، اليوم الأحد 13 ديسمبر 2020، وذلك بعدما اعتبره البعض أشار لرمضان صبحي بالأموال عقب تسجيله هدفًا في مرمى بيراميدز، في ظل مباراة أقيمت بين الاتحاد وبيراميدز في الجولة الافتتاحية من الدوري المصري الممتاز أمس.

 قال ديفيد كتب، "يا ريت حد يقول لعمار حمدي اللي بيشتم رمضان صبحي دلوقتي إنه ميزودهاش آوي، محدش عارف بكره شايل ومخبي إيه".

 إيمي جابر كتبت "هي الناس اللي بتهاجم عمار حمدي... مهاجمتش ليه رمضان لما عمل هس؟"، نور حسن كتبت "هو عمار حمدى بيلعب فى الأهلى دولوقت  والا أنتو عايزين أى مظلومية تعيشو عليها وخلاص".

 أحمد يماني كتب "عمار حمدي هو وش العملة التاني لإمام عاشور، الاتنين لازم عقليتهم تبقى أعلى من كدا لو عايزين يوصلوا ويعملوا لنفسهم حاجة في الملعب مش على صفحات السوشيال ميديا".

 كمال النجار كتب "عمار حمدي النهارده قايل تصريح أنه مايقصدش كده. وان رمضان صبحي اعز أصدقائه وزميله في المنتخب الأوليمبي (نصحوه يغطي على الموضوع بسرعة عشان مايتعاقبش )".

 شيماء كتبت "رمضان أخي وصديقي.. ولا علاقة لي بأزماته مع الأهلي دى زى

تمنياتى بالنجاح والتوفيق الى الدكتور بيكتبها في آخر الامتحان كده".

اقرأ أيضًا: هدف عمار حمدي الرائع في شباك بيراميدز (فيديو)

 رغدة نديم كتب "لقطة عمار حمدي كده حتعدي عادي من غير عقاب.. طب عاقبوا أمام عاشور ليه.. حد يسأل لنا الجنايني".

 سلمى كتبت "عمار حمدي كان ضارب سندوتشين كفته قبل ما يلعب"، ورولا كتبت "ستوري عمار حمدي ع الانستجرام عامله قلق".

 محمد صديق قال "معنديش مشكلة مع حد طالما أنك صاحب مبدأ أيا كان مين مرتكب الفعل.. إمام عاشور لحد دلوقتى بيدفع فاتورة غل وكره عشان الحركة دى.. على العكس تمامًا أن عمار حمدى أصبح بطلًا قوميًا عشان الحركة دى.. استنتاجى الوحيد فى رأيكم دا هو الازدواجية والكيل بـ100 مكيال .. مرضكم مزمن ملوش علاج".