بعد اقترابه من الأهلي.. انقسام جماهيرى حول أهمية التعاقد مع طاهر محمد طاهر

اقترب طاهر محمد طاهر، نجم فريق المقاولون العرب من الانضمام للنادي الأهلي في الانتقالات الصيفية بحيث أكدت يرغب اللاعب في الانتقال للقلعة الحمراء بحسب ما جاء في التقارير الصحفية.

اقرأ أيضًا.. رئيس المقاولون: طاهر محمد أبدى رغبته في الانتقال للأهلي وسنحصل على لاعبين ضمن الصفقة

وكتب الإعلامي أحمد شوبير على حسابه بموقع التواصل الاجتماعي "تويتر": "رئيس مجلس إدارة المقاولون العرب: "كابتن محمود الخطيب تحدث معي اليوم بخصوص ضم طاهر محمد طاهر والأمر يقترب خاصة مع الرغبة الكبيرة للاعب في الإنضمام للقلعة الحمراء".

وعلى "تويتر" انقسمت الجماهير ما بين مرحبة بالصفقة والبعض لا يرى قيمة إضافية للفريق في ظل تواجد رمضان صبحي ومحمود عبد المنعم كهربا.

بحيث قال أحمد "طاهر لاعيب كويس اووي بس يامعلم عنده عيوب كتير اولهاا انه لعيب مزاجي فشخ وغير كده عصبي ومشاكله كتير بس اكتر عيب مخوفني منه هي الاصابات حرفياا ممكن نقول عليه من نوعيه الاعيبه القزاز، بس ثانيه واحد هو لما يبقاا عندك ناحيه الشمال رمضان.كهربا.محمد شريف وبتفاوض سيرينو".

وقال مشجع أخر "بصوا هي وجهة نظري انا بس يعني بس انا عمري ما اقتنعت ب طاهر محمد طاهر و اي حاجة تربط بينه و بين الاهلي بتقفلني".

هشام صابر قال "هو طاهر محمد طاهر اي يفرق عن صلاح محسن؟ انا متابعتهوش كتير لظروف إصابته وأسباب، بس خيالي بيقولي إنه صلاح محسن جديد، خصوصا إنه معتقدش إنه سترايكر صريح هو كمان بيلعب في حتة الوينج ف معرفش الأهلي لو اتعاقد

معاه هيتعاقد علي انهي اساس".

عبيد قال "صفقة طاهر محمد طاهر دي معترض عليها شكلًا وموضوعًا وكل حاجة .. انا عندي يجيبوا حسام حسن أفيد الواد شايف نفسه مجاش منه اتنين ومشمرلي الشورت طول الماتش عاملي فيها مارادونا ونفس اصطمبة صلاح محسن وصالح وحتي اتطرد مرتين ف سنة ودا كتير بالنسبه لسنه ومركزه مش كل لاعيب ينفع للأهلي".

صلاح الدين قال "طاهر محمد طاهر لاعب مهاري قوي يحسن اللعب بكلتا قدميه وأحياناً يتم توظيفه تحت رأس الحربة ومستقبله واعد جدا وأتمني أن أراه في الأهلي وربنا يكفيه لعنة الإصابات".

وقال مشجع أخر "طاهر محمد طاهر لاعب كويس وكل حاجة بس مشكلتى معاه انه مش شايف حاجة قدامه غير الاحتراف .. انا عندى معلومة انه موقع للأهلى من فترة .. بس حتى لو لعب فى الأهلى هل هيقعد 4 ولا 5 مواسم مثلا ويشارك فى حصد بطولتين افريقيا مثلا".

عمرو أحمد قال "نقول مبروك علينا طاهر محمد طاهر بقى ولا ايه"