اعتذار جمل التحرير!
بلغوا أسفي للثوار الحرامية جابولنا العار
قلنا أكيد فيه هناك سواح افتحها علينا يا فتاح
لكن خدعونا الأشرار بلغوا أسفي للثوار
****
إحنا جمال وتاريخنا نزيه مش فاسدين يا ولاد الإيه
ليه تاخدونا وتودونا وتجرونا بشكل مهين
خليتوا وشنا في الأرض حطيتوا على راسنا الطين
ربي يخلي عيشتكوا مرار بلغوا أسفي للثوار
****
ورسالة لجمال العالم أوعى تصدق واحد ظالم
أرفض أرفض أوعى تشارك
فيها الفاسد يجري ويطلع على رقبة الشرفا ويلمع
يسرق ويهلب ويلوص ما يخللي في بلاده فلوس
خرب فيها الغيط والدار بلغوا أسفي للثوار
****
وارجع وأتأسف من تاني لشريف ومايكل وأماني
ويا كل شباب المحروسة الشهداء خلوها عروسة
حطولها في إيديها الحنة واختاروا أن يخشوا الجنة
اغفر ليهم يا غفار واقبلوا أسفي يا ثوار